ҶАВОНОН
Шанбе 27 Июл 2024 05:06
Нақш ва мавқеи ҷавонон дар ҷомеаи кунунӣ мақоми асосиро касб намуда, фаъолияти ин қишри ояндасози кишвар дар пешбурди дилхоҳ соҳа ба таври назаррас эҳсос мегардад. Дар шароити пешрафти босуръати ҷомеаи зудтағйирёбанда, раванди ҷаҳонишавӣ ва бархӯрди манфиатҳои милливу умумибашарӣ, таваҷҷуҳи хоса зоҳир кардан ба имрӯзу ояндаи насли наврасу ҷавон яке аз масъалаҳои муҳиму саривақтӣ маҳсуб меёбад.
Маврид ба таъкид аст, ки аз оғози давраи соҳибистиқлолии кишвар сиёсати давлатии ҷавонон ба яке аз самтҳои калидӣ дар сиёсати Ҳукумати мамлакат мавқеъ гирифта, самтҳои рӯзгору фаъолияти онҳо зери таваҷҷуҳи хосаи Асосгузории сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад ва дар ин ҷода табдирҳое рӯйи кор омаданд, ки ба имрӯзи пурсаодати ҷавонон ҷилои тоза бахшиданд. Ин аст, ки имрӯз фаъолияти рӯзмарраи насли наврас ва ҷавони кишвар умедбахш буда, ташаббусҳои созандаи онҳо метавонад барои расидан ба ҳадафҳои пешгирифтаи Ҳукумати мамлакат мусоидати воқеиро ба вуҷуд орад.
Пойтахти мамлакат ҳамчун таҷассумгари симои воқеии миллат ва хонаи умеди тамоми тоҷикону тоҷикистониён, макони асосии баҳамоии ҷавонони кишвар ва хориҷи он тавонистааст, ки симои воқеии хешро бо ҳузури ҷавонони касбу кори гуногун ва заҳмату талоши онҳо ба шаҳри ҷавонӣ ва ҷавонон муаррифгар бошад. Имрӯз бо дарки масъалаи мазкур Мақомоти иҷроияи ҳокимияти давлатии шаҳри Душанбе ба симои пойтахти азизамон бо дарназардошти манфиатҳои ҷавонон, зебоидӯстиву ҳаракати ҷӯё доштанашон қабои ҷавонӣ пӯшонида, баҳри пиёда намудани ниёзҳои онҳо тамоми имконоту шароит фароҳам оварда истодааст.
Тибқи маълумоти оморӣ ҳоло шумораи ҷавонон дар шаҳри Душанбе беш аз 312 ҳазор нафарро ташкил дода, наздики 37 фоизи аҳолии пойтахтро дар бар мегирад, ки ба таълим ва фаъолият фаро гирифта шудаанд.
Пойтахти Ҷумҳурии Тоҷикистон – шаҳри Душанбе узви Ассамблеяи Байналхалқии Пойтахтҳо ва Бузургшаҳрҳо (МАГ), Ташкилоти Байналхалқии Бародаршаҳрҳо (МОГП), Ташкилоти Боулдер - Душанбе - Бародаршаҳрҳо (БДГП), Ташкилоти Умумиҷаҳонии Шаҳрҳои Муттаҳида ва Ҳокимиятҳои Маҳаллӣ (ВО ОГМВ), Федератсияи Умумиҷаҳонии Шаҳрҳои Туристӣ (WTCF) буда, тайи се соли охир боз бо 4 шаҳри ҷаҳон, аз ҷумла Сямэн, Чиндао, музофоти Хайнани Ҷумҳурии Мардумии Чин ва Ашқободи Туркманистон муносибатҳои бародаршаҳриро ба роҳ монда, то имрӯз бо 18 шаҳри давлатҳои қитъаҳои Осиё, Аврупо, Амрико ва Африқо дар асоси созишнома ва дигар санадҳои меъёрӣ -ҳуқуқӣ робитаҳои бародаршаҳрӣ барқарор намудааст.
Дар 4 соли сипаришуда роҳ-барияти шаҳри Душанбе бо ҳайату намояндагони корпуси дипломатӣ ва ниҳодҳои байналмилалии муқими пойтахт, меҳмонони хориҷӣ ва ниҳодҳои дохилӣ ба таври расмӣ беш аз 50 вохӯриву мулоқотҳо анҷом додааст, ки дар онҳо баробари дигар бахшҳо самти дастгирии иқдому ташаббусҳои ҷавонон ва фарогирии онҳо ба таҳсилоти сифатнок мавриди таваҷҷуҳ қарор дода шудаанд.
Сиёсати давлатии ҷавонон дар шаҳри Душанбе дар қатори дигар соҳаҳо бо таваҷҷуҳ ва ғамхориҳои доимии Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳайси яке аз самтҳои афзалиятноки сиёсати иҷтимоӣ пазируфта шудааст.
Аз ин рӯ, дар пойтахт марҳила ба марҳила бо қабул гардидани барномаҳои соҳавӣ барои дастгирии ҷавонон, фароҳам овардани шароиту имкониятҳои худтакмилдиҳӣ, иштирок дар ҳаёти иҷтимоиву сиёсӣ, саҳмгузорӣ дар корҳои ободониву созандагӣ, ватандӯстӣ, таҳкими ҳувияти миллӣ, ҳифзи дастовардҳои соҳибистиқлолии мамлакат, ваҳдату ягонагӣ, фарҳанг ва асолати миллӣ, шароити мусоид фароҳам овардааст.
Дар ин давра бо қарорҳои Раиси шаҳри Душанбе барномаҳои рушди иҷтимоии ҷавонон дар шаҳри Душанбе барои солҳои 2017 - 2018 ва 2019 - 2021 таҳияву тасдиқ гардид, ки самтҳои муҳими сиёсати давлатии ҷавононро дар бар мегиранд.
Ҳамчунин, бо мақсади дарёфт ва рушди истеъдодҳо дар ноҳияҳои шаҳри Душанбе муассисаҳои давлатии “Маркази рушди истеъдодҳо” таъсис дода шуд, ки дар заминаи онҳо ҷиҳати ташаккули малакаву маҳорати наврасону ҷавонони соҳибистеъдод шароити муносиби таълим фароҳам оварда шудааст.
Бо мақсади дастгирии иҷтимоии ҷавонон ва баланд бардоштани савияи донишандӯзии онҳо қарорҳои Раиси шаҳри Душанбе “Дар бораи таъсис додани Стипендияи Раиси шаҳри Душанбе барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбии шаҳри Душанбе” ва “Барномаи тарбияи ватандӯстӣ ва таҳкими ҳувияти миллии ҷавонон дар шаҳри Душанбе барои солҳои 2018 - 2022” ба тасвиб расиданд.
Ҳамзамон маврид ба зикр аст, ки дар заминаи таваҷҷуҳи бевоситаи Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон давоми солҳои охир бо дастгирии Мақомоти иҷроияи ҳокимияти давлатии шаҳри Душанбе дар пойтахт даврҳои шаҳриву ноҳиявии озмунҳои ҷумҳуриявии “Фурӯғи субҳи доноӣ китоб аст” ва “Тоҷикистон - Ватани азизи ман” созмон дода мешаванд, ки дар қатори ғанӣ гардидани сатҳи маънавиёти ҷомеа ба кашфи истеъдодҳои наврасу ҷавон, майли онҳо ба китобхониву китобдӯстӣ замина мегузорад.
Дар соли 2018 бо дастгирии Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Душанбе Муассисаи давлатии “Боғи ҷавонон” мавриди баҳрабардорӣ қарор дода шуд, ки он дар масоҳати 13,74 гектар доман паҳн намуда, барои истироҳату фароғати шаҳрвандон, сокинону меҳмонон ва бахусус ҷавонон шароит фароҳам овардааст. Дар ин замина, дар шаҳр баҳри истироҳату фароғати ҷавонон боғҳои фарҳангиву фароғатӣ бунёд ва азнавсозӣ гардиданд. Бояд қайд намуд, ки дар давоми солҳои 2017 - 2018 тибқи фармоиши Ҳукумати Ҷумҳурии Тоҷикистон дар шаҳри Душанбе бунёди 62 адад боғу гулгаштҳо тибқи лоиҳа ба роҳ монда шуд, ки имрӯз онҳо макони асосии истироҳату фароғати насли наврасу ҷавон ва макони асосии баргузории чорабиниҳои соҳаи ҷавонон маҳсуб меёбад.
Бояд тазаккур дод, ки буҷети шаҳри Душанбе худ характери иҷтимоӣ дошта, зиёда аз 40 фоизи он маҳз ба ин самт равона гардидааст.
Дар ин давра, бо қарори Раиси шаҳри Душанбе аз 16 январи соли 2018, №32 "Барномаи рушди футбол дар шаҳри Душанбе барои солҳои 2018 - 2021" ва қарори Раиси шаҳри Душанбе аз 2 марти соли 2018, №151 "Барномаи рушди тарбияи ҷисмонӣ ва варзиш дар шаҳри Душанбе барои солҳои 2018 - 2021" таҳияву тасдиқ гардиданд.
Дар доираи қарорҳои дахлдори Раиси шаҳри Душанбе ҳамасола Ниммарафони байналмилии Душанбе доир мегардад, ки дар он баробари варзишгарони дохилӣ варзишгарони хориҷӣ низ иштирок менамоянд. Ҳамчунин дар асоси тақвими ягонаи чорабиниҳои оммавӣ, варзишӣ, солимгардонӣ ва иштироки варзишгарони пойтахт дар мусобиқаҳои ҷумҳуриявӣ ва байналмилалӣ даҳҳо чорабиниҳо баргузор гардида, варзишгарони шаҳри Душанбе барои иштирок дар мусобиқаҳои байналмилалӣ сафарбар карда мешаванд.
Бори аввал дар таҷрибаи шаҳрдорӣ боғҳои фарҳангӣ- фароғатӣ, нақлиёти ҷамъиятӣ ва истгоҳҳо бо интернети ройгон пайваст гардидаанд, ки ҷавонону сокинон метавонанд аз он бемамониат истифода баранд.
Ҷоиз ба таъкид аст, ки тайи 4 соли охир дар асоси дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон беш аз 250 майдончаи варзишӣ ва бозии кӯдакон бо минтақаи нишасти калонсолон мавриди истифодаи сокинони пойтахт қарор дода шуд. Ҳамаи ин заҳматҳу кӯшишҳо, баҳри солимии насли ҷавон ва тарғиби тарзи ҳаёти солим миёни онҳо равона гардидааст.
Ҳамчунин дар соли 2021 дар майдони 10 гектар Қасри теннис ва маҷмааи варзиши обӣ, ки ҷавобгӯ ба талаботи муосири байналмилалӣ мебошад, мавриди истифода қарор дода шуд. Дастгириҳо дар самти сохтмони иншоотҳои бузург ва беназири варзишӣ имкон медиҳад, то пойтахти азизамон - шаҳри Душанбе натанҳо макони баргузории мусобиқаҳои сатҳи шаҳрӣ ва ҷумҳуриявӣ, балки ҳамчун маркази асосии баргузории мусобиқаҳои сатҳи байналмилалӣ муаррифӣ гардад. Ин аст, ки тайи чанд соли охир дар доираи озмунҳои ҷумҳуриявӣ шаҳри Душанбе дар миқёси кишвар “Беҳтарин шаҳри варзишӣ” унвон гирифта, мақоми якумро касб менамояд.
Лозим ба таъкиди хос аст, ки тӯли 4 соли охир варзишгарони шаҳри Душанбе дар мусобиқаҳои бонуфузи дохиливу байналмилалӣ иштироки фаъолона намуда, беш аз 2600 медали тиллоро соҳиб гаштанд.
Дар озмунҳои фаннӣ бошад ҷавонони пойтахт аз худ маҳорату малака ва донишу заковати олӣ нишон дода, соҳиби 360 медали тилло гардиданд, ки ин боиси хушнудиву сарфарозист.
Имрӯзҳо ҷавонони бонангу номуси шаҳри Душанбе дар ҳама соҳаҳо, аз ҷумла тандурустӣ, маориф, фарҳанг, варзиш, иқтисод, энергетика, саноат, кишоварзӣ, волонтёрӣ, кумак ба ятимону барҷомондагон ва дигар самтҳо иштироки фаъол дошта, маҳорату малака, қувваю неру ва ҳастии хешро баҳри пешрафти ватани азизамон Тоҷикистони соҳибистиқлол дареғ намедоранд.
Умедворем, ки ҷавонони пойтахт таҳти сиёсати хирадмандонаи Асосгузории сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кору пайкор намуда, аз пештара дида бештар фаъолияту омӯзишро тақвият мебахшанду, тамоми донишу малакаи хешро баҳри рушду созандагии ватани азизамон равона месозанд.
Рустами ЭМОМАЛӢ,
Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе
Маврид ба таъкид аст, ки аз оғози давраи соҳибистиқлолии кишвар сиёсати давлатии ҷавонон ба яке аз самтҳои калидӣ дар сиёсати Ҳукумати мамлакат мавқеъ гирифта, самтҳои рӯзгору фаъолияти онҳо зери таваҷҷуҳи хосаи Асосгузории сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад ва дар ин ҷода табдирҳое рӯйи кор омаданд, ки ба имрӯзи пурсаодати ҷавонон ҷилои тоза бахшиданд. Ин аст, ки имрӯз фаъолияти рӯзмарраи насли наврас ва ҷавони кишвар умедбахш буда, ташаббусҳои созандаи онҳо метавонад барои расидан ба ҳадафҳои пешгирифтаи Ҳукумати мамлакат мусоидати воқеиро ба вуҷуд орад.
Пойтахти мамлакат ҳамчун таҷассумгари симои воқеии миллат ва хонаи умеди тамоми тоҷикону тоҷикистониён, макони асосии баҳамоии ҷавонони кишвар ва хориҷи он тавонистааст, ки симои воқеии хешро бо ҳузури ҷавонони касбу кори гуногун ва заҳмату талоши онҳо ба шаҳри ҷавонӣ ва ҷавонон муаррифгар бошад. Имрӯз бо дарки масъалаи мазкур Мақомоти иҷроияи ҳокимияти давлатии шаҳри Душанбе ба симои пойтахти азизамон бо дарназардошти манфиатҳои ҷавонон, зебоидӯстиву ҳаракати ҷӯё доштанашон қабои ҷавонӣ пӯшонида, баҳри пиёда намудани ниёзҳои онҳо тамоми имконоту шароит фароҳам оварда истодааст.
Тибқи маълумоти оморӣ ҳоло шумораи ҷавонон дар шаҳри Душанбе беш аз 312 ҳазор нафарро ташкил дода, наздики 37 фоизи аҳолии пойтахтро дар бар мегирад, ки ба таълим ва фаъолият фаро гирифта шудаанд.
Пойтахти Ҷумҳурии Тоҷикистон – шаҳри Душанбе узви Ассамблеяи Байналхалқии Пойтахтҳо ва Бузургшаҳрҳо (МАГ), Ташкилоти Байналхалқии Бародаршаҳрҳо (МОГП), Ташкилоти Боулдер - Душанбе - Бародаршаҳрҳо (БДГП), Ташкилоти Умумиҷаҳонии Шаҳрҳои Муттаҳида ва Ҳокимиятҳои Маҳаллӣ (ВО ОГМВ), Федератсияи Умумиҷаҳонии Шаҳрҳои Туристӣ (WTCF) буда, тайи се соли охир боз бо 4 шаҳри ҷаҳон, аз ҷумла Сямэн, Чиндао, музофоти Хайнани Ҷумҳурии Мардумии Чин ва Ашқободи Туркманистон муносибатҳои бародаршаҳриро ба роҳ монда, то имрӯз бо 18 шаҳри давлатҳои қитъаҳои Осиё, Аврупо, Амрико ва Африқо дар асоси созишнома ва дигар санадҳои меъёрӣ -ҳуқуқӣ робитаҳои бародаршаҳрӣ барқарор намудааст.
Дар 4 соли сипаришуда роҳ-барияти шаҳри Душанбе бо ҳайату намояндагони корпуси дипломатӣ ва ниҳодҳои байналмилалии муқими пойтахт, меҳмонони хориҷӣ ва ниҳодҳои дохилӣ ба таври расмӣ беш аз 50 вохӯриву мулоқотҳо анҷом додааст, ки дар онҳо баробари дигар бахшҳо самти дастгирии иқдому ташаббусҳои ҷавонон ва фарогирии онҳо ба таҳсилоти сифатнок мавриди таваҷҷуҳ қарор дода шудаанд.
Сиёсати давлатии ҷавонон дар шаҳри Душанбе дар қатори дигар соҳаҳо бо таваҷҷуҳ ва ғамхориҳои доимии Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳайси яке аз самтҳои афзалиятноки сиёсати иҷтимоӣ пазируфта шудааст.
Аз ин рӯ, дар пойтахт марҳила ба марҳила бо қабул гардидани барномаҳои соҳавӣ барои дастгирии ҷавонон, фароҳам овардани шароиту имкониятҳои худтакмилдиҳӣ, иштирок дар ҳаёти иҷтимоиву сиёсӣ, саҳмгузорӣ дар корҳои ободониву созандагӣ, ватандӯстӣ, таҳкими ҳувияти миллӣ, ҳифзи дастовардҳои соҳибистиқлолии мамлакат, ваҳдату ягонагӣ, фарҳанг ва асолати миллӣ, шароити мусоид фароҳам овардааст.
Дар ин давра бо қарорҳои Раиси шаҳри Душанбе барномаҳои рушди иҷтимоии ҷавонон дар шаҳри Душанбе барои солҳои 2017 - 2018 ва 2019 - 2021 таҳияву тасдиқ гардид, ки самтҳои муҳими сиёсати давлатии ҷавононро дар бар мегиранд.
Ҳамчунин, бо мақсади дарёфт ва рушди истеъдодҳо дар ноҳияҳои шаҳри Душанбе муассисаҳои давлатии “Маркази рушди истеъдодҳо” таъсис дода шуд, ки дар заминаи онҳо ҷиҳати ташаккули малакаву маҳорати наврасону ҷавонони соҳибистеъдод шароити муносиби таълим фароҳам оварда шудааст.
Бо мақсади дастгирии иҷтимоии ҷавонон ва баланд бардоштани савияи донишандӯзии онҳо қарорҳои Раиси шаҳри Душанбе “Дар бораи таъсис додани Стипендияи Раиси шаҳри Душанбе барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбии шаҳри Душанбе” ва “Барномаи тарбияи ватандӯстӣ ва таҳкими ҳувияти миллии ҷавонон дар шаҳри Душанбе барои солҳои 2018 - 2022” ба тасвиб расиданд.
Ҳамзамон маврид ба зикр аст, ки дар заминаи таваҷҷуҳи бевоситаи Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон давоми солҳои охир бо дастгирии Мақомоти иҷроияи ҳокимияти давлатии шаҳри Душанбе дар пойтахт даврҳои шаҳриву ноҳиявии озмунҳои ҷумҳуриявии “Фурӯғи субҳи доноӣ китоб аст” ва “Тоҷикистон - Ватани азизи ман” созмон дода мешаванд, ки дар қатори ғанӣ гардидани сатҳи маънавиёти ҷомеа ба кашфи истеъдодҳои наврасу ҷавон, майли онҳо ба китобхониву китобдӯстӣ замина мегузорад.
Дар соли 2018 бо дастгирии Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Душанбе Муассисаи давлатии “Боғи ҷавонон” мавриди баҳрабардорӣ қарор дода шуд, ки он дар масоҳати 13,74 гектар доман паҳн намуда, барои истироҳату фароғати шаҳрвандон, сокинону меҳмонон ва бахусус ҷавонон шароит фароҳам овардааст. Дар ин замина, дар шаҳр баҳри истироҳату фароғати ҷавонон боғҳои фарҳангиву фароғатӣ бунёд ва азнавсозӣ гардиданд. Бояд қайд намуд, ки дар давоми солҳои 2017 - 2018 тибқи фармоиши Ҳукумати Ҷумҳурии Тоҷикистон дар шаҳри Душанбе бунёди 62 адад боғу гулгаштҳо тибқи лоиҳа ба роҳ монда шуд, ки имрӯз онҳо макони асосии истироҳату фароғати насли наврасу ҷавон ва макони асосии баргузории чорабиниҳои соҳаи ҷавонон маҳсуб меёбад.
Бояд тазаккур дод, ки буҷети шаҳри Душанбе худ характери иҷтимоӣ дошта, зиёда аз 40 фоизи он маҳз ба ин самт равона гардидааст.
Дар ин давра, бо қарори Раиси шаҳри Душанбе аз 16 январи соли 2018, №32 "Барномаи рушди футбол дар шаҳри Душанбе барои солҳои 2018 - 2021" ва қарори Раиси шаҳри Душанбе аз 2 марти соли 2018, №151 "Барномаи рушди тарбияи ҷисмонӣ ва варзиш дар шаҳри Душанбе барои солҳои 2018 - 2021" таҳияву тасдиқ гардиданд.
Дар доираи қарорҳои дахлдори Раиси шаҳри Душанбе ҳамасола Ниммарафони байналмилии Душанбе доир мегардад, ки дар он баробари варзишгарони дохилӣ варзишгарони хориҷӣ низ иштирок менамоянд. Ҳамчунин дар асоси тақвими ягонаи чорабиниҳои оммавӣ, варзишӣ, солимгардонӣ ва иштироки варзишгарони пойтахт дар мусобиқаҳои ҷумҳуриявӣ ва байналмилалӣ даҳҳо чорабиниҳо баргузор гардида, варзишгарони шаҳри Душанбе барои иштирок дар мусобиқаҳои байналмилалӣ сафарбар карда мешаванд.
Бори аввал дар таҷрибаи шаҳрдорӣ боғҳои фарҳангӣ- фароғатӣ, нақлиёти ҷамъиятӣ ва истгоҳҳо бо интернети ройгон пайваст гардидаанд, ки ҷавонону сокинон метавонанд аз он бемамониат истифода баранд.
Ҷоиз ба таъкид аст, ки тайи 4 соли охир дар асоси дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон беш аз 250 майдончаи варзишӣ ва бозии кӯдакон бо минтақаи нишасти калонсолон мавриди истифодаи сокинони пойтахт қарор дода шуд. Ҳамаи ин заҳматҳу кӯшишҳо, баҳри солимии насли ҷавон ва тарғиби тарзи ҳаёти солим миёни онҳо равона гардидааст.
Ҳамчунин дар соли 2021 дар майдони 10 гектар Қасри теннис ва маҷмааи варзиши обӣ, ки ҷавобгӯ ба талаботи муосири байналмилалӣ мебошад, мавриди истифода қарор дода шуд. Дастгириҳо дар самти сохтмони иншоотҳои бузург ва беназири варзишӣ имкон медиҳад, то пойтахти азизамон - шаҳри Душанбе натанҳо макони баргузории мусобиқаҳои сатҳи шаҳрӣ ва ҷумҳуриявӣ, балки ҳамчун маркази асосии баргузории мусобиқаҳои сатҳи байналмилалӣ муаррифӣ гардад. Ин аст, ки тайи чанд соли охир дар доираи озмунҳои ҷумҳуриявӣ шаҳри Душанбе дар миқёси кишвар “Беҳтарин шаҳри варзишӣ” унвон гирифта, мақоми якумро касб менамояд.
Лозим ба таъкиди хос аст, ки тӯли 4 соли охир варзишгарони шаҳри Душанбе дар мусобиқаҳои бонуфузи дохиливу байналмилалӣ иштироки фаъолона намуда, беш аз 2600 медали тиллоро соҳиб гаштанд.
Дар озмунҳои фаннӣ бошад ҷавонони пойтахт аз худ маҳорату малака ва донишу заковати олӣ нишон дода, соҳиби 360 медали тилло гардиданд, ки ин боиси хушнудиву сарфарозист.
Имрӯзҳо ҷавонони бонангу номуси шаҳри Душанбе дар ҳама соҳаҳо, аз ҷумла тандурустӣ, маориф, фарҳанг, варзиш, иқтисод, энергетика, саноат, кишоварзӣ, волонтёрӣ, кумак ба ятимону барҷомондагон ва дигар самтҳо иштироки фаъол дошта, маҳорату малака, қувваю неру ва ҳастии хешро баҳри пешрафти ватани азизамон Тоҷикистони соҳибистиқлол дареғ намедоранд.
Умедворем, ки ҷавонони пойтахт таҳти сиёсати хирадмандонаи Асосгузории сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кору пайкор намуда, аз пештара дида бештар фаъолияту омӯзишро тақвият мебахшанду, тамоми донишу малакаи хешро баҳри рушду созандагии ватани азизамон равона месозанд.
Рустами ЭМОМАЛӢ,
Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе
Хабарҳои дигар
Рӯзнома
Эзоҳи худро нависед