Имрӯз, 1 – уми июн ба ифтихори Рӯзи байналмилалии ҳифзи кӯдакон бо ширкати раиси шаҳри Хоруғ Кишвар Шамирӣ ва сокинони шаҳр дар бинои “Pamir Plaza” – и Хоруғ Маркази хизматрасонӣ барои фароғати кӯдакон “Аладдин” мавриди баҳрабардорӣ қарор гирифт.

Раиси шаҳр бо ҳайати кормандони марказ мулоқот намуда, бо шароити кории онҳо ва таҷҳизоту лавозимоти марказ аз наздик шинос гардид.

Зикр шуд, ки марказ бо мабалағи 700 ҳазор сомонӣ аз тарафи соҳибкори маҳаллӣ Шерозшо Қурбоншоев сохта гардида, ҳоло дар он 10 нафар ҷавонони шаҳр бо ҷои кори доимӣ таъмин гаштанд ва марказ дар як вақт метавонад 100 нафар кӯдак кабул кунад.

Баъди ифтитоҳи марказ дар Боғи фарҳангӣ – фароғатии шаҳр бо иқдоми мақомоти ҳокимияти давлатии шаҳр баҳри кӯдакон барномаи фарҳангӣ ташкил карда шуд.