Дар шаҳри Исфара санаи 18-уми апрел, 14 нафар ҷавонони ватандӯсту шуҷоатманд ба таври ихтиёрӣ ба хизмати Ватан-Модар рафтанд.

Зимни гусели наваскарон муовини директори Литсейи №3 Раҳимов Меҳровар ва дигар масъулин иброз доштанд, ки хизмат ба Ватан – Модар рисолати фарзандӣ ва қарзи шаҳрвандӣ буда, бояд ҳар ҷавон онро адо намояд.

Гуфта шуд, ки ихтиёрӣ ба сафи Қувваҳои Мусаллаҳ рафтани ҷавонон падидаи сурурбахш буда, шаҳодати он аст, ки ҷавонони мо баҳри ҳимояи марзу буми аҷдодии хеш, таҳкиму сулҳу осоиштагӣ ва дастгирии сиёсати Асосгузори сулҳу ваҳдати миллӣ – Пешвои миллат ҳаматарафа омодаанд.