Нимаи дуюми рӯзи 29 январ дар доираи лагери омӯзишию сайёҳатии “Ҷавонон- пайрави Пешвои миллат” волонтёрон, ки иштирокчии лагери мазкур мебошанд, аз Боғи ба номи устод Рӯдакӣ ва Китобхонаи миллӣ дидан намуданд.

Иштирокчиёни лагер аз толори хониш, толори хониши электронӣ ва феҳристи китобҳои Китобхонаи миллӣ дидан карда, осорҳои бузургони адабро, ки бо дастхатҳо навишта шудааст, тамошо намуданд.

Баъд аз тамошои Китобхонаи миллӣ иштирокчиён аз муҷассамаи асосгузори давлати тоҷикон-шоҳ Исмоили Сомонӣ боздид карда, дар назди он расми хотиравӣ гирифтанд.

Ёдовар мешавем, ки лагери омӯзишию саёҳатии “Ҷавонон-пайрави Пешвои миллат” имрӯз оғоз гардида, фардо дар Маҷмааи лижаронии “Сафеддара” идома меёбад.

Аз ҷараёни лагери мазкур дар соатҳои баъдӣ низ иттилоъ хоҳем дод.