Дар форуми ҷавонони Тоҷикистону Қазоқистон Сомон Маҳмадбеков дорандаи медали биринҷии Бозиҳои олимпии Париж - 2024 суханронӣ намуда, ҷавонони ду кишварро барои фаъол будан дар тамоми соҳаҳо даъват намуд.

Сомон зимни суханронии хеш аз ҷавонони ҳарду кишвар даъват намуд, ки бояд дар тамоми соҳаҳо, шуруъ аз муассисаҳои таълимӣ то чорабиниҳои фарҳангиву варзишӣ фаъол бошанд, то муносибатҳои мустаҳками дуҷонибаро барои оянда фароҳам оваранд.

Ҳамзамон ӯ ба роҳбарияти ҳарду давлат изҳори миннатдории худро аз номи ҷавонони ҳарду кишвар баён дошт.

- Миннатдории махсуси худро ба Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Қазоқистон муҳтарам Касим Жормат Такаев барои дастгирии бевосита ва таҳкими муносибатҳои дуҷонибаи дӯстии ҷавонони ду кишвар мерасонем, - гуфт ӯ.