Дар шаҳри Душанбе миёни муассисаҳои таҳсилоти олии касбӣ мусобиқа оид ба шоҳмот доир гардид. 

Дар мусобиқа 10 даста аз донишгоҳу донишкадаҳои кишвар иштирок намуда, дастаи ДТҶТ ба номи С.Раҳимов бо ба даст овардани 51 хол мақоми аввалро ишғол намуд.
 
Ба таъкиди Ҳаитмурод Нуралиев, мураббии дастаи  шоҳмоти ДТҶТ ба номи С.Раҳимов дар донишкада сафи аъзоёни маҳфили доиамалкунандаи “Шоҳмот” афзун гашта истодаасту маҳфил дар бакамолрасонии шоҳмотбозони касбӣ фаъолияти босамар дорад.
  
Натиҷаи ҳамин аст, ки аъзои дастаи яккачини шоҳмоти донишкада, устодони варзиш Алишер Каримов ва Мутриба Ҳотамӣ, номзад ба устодони варзиш Дустмурод Каримов, Лола Исмоилова, Сорбон Субҳонзода, Меҳроҷ Шамсов, Хайриддин Азизов, Сарвиноз Каримова, Дилафрўзи Баҳодур на танҳо ғолибони мусобиқаҳои сершумори ҷумҳуриявӣ, балки иштирокчиёну  ҷоизадорони мусобиқаҳои сатҳи баланд мебошанд. 

Ҷойи дуюмро дар мусобиқаи мазкур дастаи ДДОТ ба номи С.Айнӣ бо 48 хол ва ДДТТ ба номи А. Сино бо 38 хол мақоми сеюмро ба даст оварда, дар охир ғолибон бо диплом ва туҳфаҳои хотиравӣ қадрдонӣ гардиданд.