- Оила маконест, ки дар он арзишҳои ахлоқӣ ва меъёрҳои иҷтимоӣ аз насл ба насл мегузаранд. Барои ҳамин, тамоми кӯшишҳоро бояд ба харҷ дод, то риштаи бунёдии оилаҳои ҷавон ҳаргиз канда нашавад, - гуфт Масрур Ғайратов зимни баромади хеш дар семинари омӯзишӣ.

Бо иштироки Саодатқадам Давлаталиев, мудири Шуъбаи рушди иҷтимоӣ ва робита бо ҷомеаи ноҳияи Ванҷ, Моҳшариф Хомӯшова, мудири Бахши кор бо занон ва оила ва Масрур Ғайратов, мудири Бахши кор бо ҷавонон ва варзиши ноҳия дар мавзӯи “Оила ҳамчун ниҳоди иҷтимоӣ ва макони тарбияи фарзанд” семинари омӯзишӣ баргузор гардид.

Дар он ҳамчунин доираи васеи ҷавонону толибилмони ҷамоати деҳоти Маҳмадулло Абдуллоев ва Коллеҷи тиббии ноҳия ширкат доштанд.

Чорабинӣ бо ибтикори Бахши кор бо ҷавонон ва варзиши ноҳия дар доираи “Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2016 – 2018” доир шуд.