Дар толори Донишгоҳи славянии Русия ва Тоҷикистон миёни омӯзгорону донишҷӯён оид ба шарҳу тавзеҳи Паёми Президенти Ҷумҳурии Тоҷикистон муҳтарам Эмомалӣ Раҳмон дар самти татбиқи қонунҳои миллӣ, пешгирии ҷавонон аз падидаҳои номатлуби ҷомеа ва тарғиби фарҳанги миллӣ вохӯрӣ доир гардид.

Мулоқоти мазкур зери унвони “Паём-роҳнамо ва муждаи нек аз амалишавии орзуҳои неки ҷавонон” бо мақсади тарғибу ташвиқи ҳадафҳои Паёми Асосгузори сулҳу ваҳдати миллӣ - Пешвои миллат, гузаронида шуд.

Зимни суханрониҳо гуфта шуд, ки Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар омили муҳими мусоидаткунандаи рушди ҷомеа ва руйдоди сарнавиштсоз маҳсуб ёфта, дар назди қишрҳои ҷомеа вазифаҳои муҳимро мегузорад, ки иҷрои онҳо рушду тавсеаи кишвари моро дар соли ҷорӣ ва ояндаи наздик таъмин менамояд.