ҶАВОНОН
Шанбе 21 Сентябр 2019 08:20
2446
Тибқи нақшаи чорабиниҳои Мақомоти иҷроияи ҳокимияти давлатии шаҳри Ваҳдат ташкилоту муассисаҳои дахлдор, аз ҷумла, бахшҳои ҷавонон, варзиш ва сайёҳӣ, кор бо занон ва оила, Раёсати маориф, шуъбаҳои фарҳангу тандурустӣ, мақомоти ҳолатҳои фақулодда, рӯзномаи маҳаллии Шаҳриёр ва ҷамоатҳои шаҳраку деҳот бо шарои зисту хизмати сарбозони қисми ҳарбии 16772 шинос шуданд.

Муовини раиси шаҳри Ваҳдат Фарзона Хоҷазода табрикоти раиси шаҳр Амирзода Раҳмоналиро бахшида ба 24-солагии таъсисёбии Қувваҳои Мусаллаҳи Ҷумҳурии Тоҷикистон қироат намуда, Соли ҷавонон эълон гардидани соли 2017-ро ба аҳли нишаст таҳният гуфт.

Сипас, сарояндагони ҷавону боистеъдоди Қасри фарҳанги шаҳр барномаи ҷолиби консертиро манзури ҳозирин гардониданд. Аз тарафи сарбозон низ намоиши саҳначаҳои тарбиявию ҳаҷвӣ ба маъраз гузошта шуд.



Бо иқдоми мудири Бахши ҷавонон, варзиш ва сайёҳии шаҳри Ваҳдат Азиззода Маъруфҷон дар толори варзишии қисми ҳарбӣ, ки бо тамоми шароитҳои муосири машқварзӣ муҷаҳҳаз аст, варзишгарон тамрини бадан намуда, сипас, дар саҳни толор намоиши варзиширо манзур гардониданд.

Аз тарафи Мақомоти иҷроияи ҳокимияти давлатии шаҳри Ваҳдат барои сарбозону афсарон дастурхони идона ороста шуд. Сарбозон ваъда доданд, ки пас аз адои хизмат ҳамсолони хешро ба ҳифзи марзу буми кишвар даъват мекунанд, зеро хизмат ба Ватан тарбия дар мактаби мардонагист.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.