Вобаста ба дастуру супоришҳои Пешвои миллат муҳтарам Эмомалӣ Раҳмон, ки дар мулоқот бо роҳбарону фаъолони ВМКБ дода шуда буданд, масъулини Бахши кор бо ҷавонон ва варзиши ноҳияи Ванҷ ва сохторҳои маҳаллӣ бо ҷавонону сокинони ноҳия силсилавохӯриҳо доир намуданд.

Тавре мудири бахш Масрур Ғайратов иттилоъ дод, баргузории мулоқотҳо ташаббуси бахш буда, дар он асосан масоили ободониву бунёдкорӣ, таъмиру дар сатҳи зарурӣ нигоҳ доштани роҳҳои мошингарди аҳамияти ҷумҳуриявӣ ва маҳаллидошта, рушди боғдорию кишоварзӣ, роҳ надодан ба қонуншиканию ҷиноятсодиркунӣ ва ғайра мавриди муҳокима қарор гирифтанд.

Чунин вохӯриҳо дар дигар ҷамоату деҳаҳои Ванҷ идома доранд.