Дар Донишгоҳи давлатии Хуҷанд ба номи академик Б.Ғафуров, санаи 10 июл, мулоқоти роҳбари маҳфили “Ҷавонони дар хориҷи кишвар таҳсилдошта”- и назди Кумитаи кор бо ҷавонон ва варзиш Салимзода Каримҷон Ҳасан бо хатмкунандагони муассисаҳои таҳсилоти миёнаи умумии вилояти Суғд доир гардид. 

Зимни мулоқот масъалаи тақвияти фаъолияти маҳфил, дастгирии ҷавонони дар хориҷи кишвар таҳсилдошта, муаррифии дастоварду музаффариятҳои ҷавонон, роҳҳои ба муассисаҳои таҳсилоти олии давлатҳои хориҷа дохил шудани ҷавонони тоҷик ва ташаккули механизми фаъолияти кори маҳфил дар хориҷи кишвар мавриди баррасӣ қарор гирифт. 

Гуфта шуд, ки маҳфили “Ҷавонони дар хориҷи кишвар таҳсилдошта” дар заминаи сиёсати дарҳои бози Ҳукумати Ҷумҳурии Тоҷикистон бо мақсади дӯсту муттаҳиднамоии ҷавонони тоҷики дар хориҷи кишвар таҳсилдошта таъсис ёфта, фаъолияти он дар 16 давлати дунё ба роҳ монда шудааст.