ҶАВОНОН
Шанбе 09 Ноябр 2024 09:44
Рӯзи байналмилалии “Асои сафед”. Таърихи “Асои сафед” ҳамчун рамзи нобиноӣ аз соли 1921 оғоз мешавад. Имсол бахшида ба ин рӯз Фестивали XIV байналмилалии хайриявии “Асои сафед” дар шаҳри Москва баргузор гардид, ки дар он сарояндаҳои нав-раси нуқсони биноидошта аз саросари Русия ва дигар кишварҳо гирди ҳам омаданд.
Дар он хонандаи синфи 10-и Литсейи филиали Донишгоҳи давлатии Москва ба номи М.В. Ломоносов дар шаҳри Душанбе Нилуфар Азизоваи 16-сола низ фаъолона иштирок намуда, сазовори мақоми ифтихорӣ шуд. Дар ин росто бо ӯ суҳбате анҷом додем.
- Дар оғоз шуморо барои сарфароз гардиданатон бо медали Фонди хайриявии “Бо амри дил” аз Фестивали байналмилалии хайриявии “Асои сафед” табрик мегуем!
- Ташаккури зиёд.
- Нахуст аз марҳилаҳои интихоб шуданатон ба ин фестивал ва раванди он мехостем чанде гуфта бошед.
- Рӯзе ҳангоми дарс муаллимаам Таҳмина Рамазонова гуфт, ки чунин фестивал баргузор мешавад ва ту метавонӣ дар он ширкат намоӣ. Ростӣ, аввал нияти ширкат намудан надоштам. Тибқи низомномаи ҷашнвора иштирокчиёни он бояд кӯдакони нобино ва биноияшон суст бошад. Ба ин хотир, муаллимаам хостанд, то ман ҳам иштирок намоям. Дар давраи интихобӣ мо суруди “Вақте ту бовар мекунӣ” (When You Believe)-ро пешниҳод намудем. Суруд аз тарафи созмондиҳандагони фестивал баҳои баланд гирифт. Вақте интихоб шудам овозхони маъруфи рус Алсу садоямро писандида, суруди худ “Хоби зимистона” (Зимний сон)-ро фиристод, то машқ кунам. Сурудро машқ кардам ва дар фестивал якҷоя онро иҷро кардем ва хушбахтона бо медали Фонди хайриявии “Бо амри дил” сарфароз гардидам.
- Иштирок дар байни 70 сарояндаи боистеъдоди дорои нуқсони босира ва ҳунарнамоӣ бо овозхони маъруфи рус Алсу бароятон душвор набуд?
- Албатта, иштирок дар чунин саҳнаи бузург барои ҳар як иштирокчӣ ҳаяҷоновар аст. Ман низ бисёр дар ҳаяҷон будам, чун бори аввал бо ин ситораи машҳур дар чунин саҳнаи бузург вомехӯрдам. Аммо замоне ӯро дидам ва бо ҳам суҳбат кардем, то андозае ором шудам. Умуман, ин фестивал бароям бисёр хотирмон буд. Эҳсосеро, ки доштам он замон бо сухан тасвир карда наметавонам. Фестивали мазкур ба ман бисёр таъсири мусбат расонид. Чун боварии маро ба худам зиёд кард ва мехоҳам аз ин ҳам пештар равам ва бо дигар сарояндаҳо низ ҳамроҳ суруд хонам.
- Шумо аз синни 6-солагӣ таҳти роҳбарии Таҳмина Рамазонова, сарояндаи гурӯҳи “Авесто” овозхонӣ менамоед. Нахустин озмуни иштироккардаатонро ёд доред?
- Бори нахуст дар консерти Таҳмина Рамазонова, сарояндаи гурӯҳи “Авесто” бо суруди “Эй ватанам” баромад карда будам. Аммо озмуни аз ҳама ҷиддӣ бароям, озмуни ҷумҳуриявии “Тоҷикистон-Ватани азизи ман” буд. Соли 2021 дар жанри эстрадии “Номинатсияи сарояндагӣ”-и ин озмун ширкат варзидам. Дар даври аввал сазовори ҷойи якум, дар даври дуюм сазовори ҷойи дуюм ва дар даври сеюм сазовори ҷойи дуюм гардидам. Бисёр кӯшиш кардам, то ғолиби ин озмун гардам ва хушбахтона сазовори димломи озмуни мазкур шудам.
- Соли гузашта дар озмуни телевизионии “Central Asias Got Talent” (Осиёи Марказӣ истеъдодҳоро меҷӯяд) иштироки фаъолона доштед. Аз ҷумла, бо суруди “Ман худамро хуб ҳис мекунам” (I feel god”) -и Ҷеймс Браун тавонистед, бо гирифтани аксари овозҳо барандаи финалии вижа гардед. Аз иштирок дар чунин саҳнаи бузург ба худ чӣ гирифтед?
- Ин шоумусобиқае буд, ки дар он аз давлатҳои зиёде иштирок карда буданд. Дар озмун ҳама истеъдоди худро нишон медод ва гурӯҳҳо низ гуногун буданд. Ман аз давраи санҷишӣ гузаштам ва ба Қазоқистон даъват шудам. Дар даври якум бо иҷрои суруди филми аниматсионӣ Дисней “Моана” ва навозиши ғижак тавонистам, ки ба доварон писанд оям ва ба даври дигар гузарам. Зеро ин озмуне буд, ки бояд таваҷҷуҳи доварон ва тамошобинонро бо ҳунари волои худ ҷалб намоӣ. Ман навозиш ва суруданро якҷо кардам. Дар мавсими 2-юм композитсияи “I feel good” (Ман худамро нағз ҳис мекунам)-и Ҷеймс Браунро иҷро кардам ва доваронро ба ҳайрат овардам. Ба доварон хеле писанд омад, зеро онҳо интизор набуданд, ин сурудро бо чунин тарзи зебо иҷро менамоям.
22 нафарро гузоштанд, то тариқи овоздиҳӣ ғолиб муайян гардад. Аз рӯи натиҷаи овоздиҳии тамошобинон пешсаф гардида, сазовори ҷоизапулии 1 миллион танга (ҳудуди 2100 доллар) гаштам. Ростӣ, инро интизор набудам, чун дигарон низ беҳтарин буданд. Субҳи барвақт ба мо занг зада, огоҳ сохтанд, ки ғолиб гаштаам. Инро шунида хеле хушҳол гаштам.
Аз ин озмун бисёр чизҳо гирифтам, аз ҷумла бовар пайдо кардам, ки агар инсон талош намояд ва барои амалӣ шудани мақсади худ кӯшиш созад, ҳатман муваффақ мегардад.
- Соли 2022 бароятон соли бобароре буд. Зеро дар баробари озмуни “Central Asias Got Talent” (Осиёи Марказӣ истеъдодҳоро меҷӯяд) дар чорабинии “Шонздаҳумин Бозиҳои Делфии ҷавонони давлатҳои аъзои ИДМ” ғолиб гардидед. Аз иштирокатон дар ин озмун мегуфтед.
- Чорабинии мазкур аз 14 то 17 октябри соли 2022 баргузор гашт ва он бори нахуст буд, ки дар пойтахти кишварамон гузаронида шуд. Ман аз рӯи номинатсияи “Сарояндаи эстрадӣ” дар ин озмун иштирок кардам. Он аз ду давра иборат буд, ки бо сурудҳои тоҷикӣ ва англисӣ баромад кардам. Ин мусобиқа як рақобати бисёр шадид буд, зеро ҷавонон аз давлатҳои зиёд омада буданд. Боварӣ надоштам, ки дар миёни онҳо ғолиб меоям ва замоне гуфтанд, ки сазовори медали тилло гаштам, бисёр шод шудам.
- Ният доштед, ки як қисми маблағи ҷоизаи озмуни телевизионии “Central Asias Got Talent” (Осиёи Марказӣ истеъдодҳоро меҷӯяд)-ро ба кӯдакони бемор ва як қисми дигарашро ба ҳайвоноти бесарпаноҳ сарф намоед. Оё ин иқдоми некро амалӣ сохтед?
- Ман ба модарам мегуфтам, ки агар дар ин мусобиқа ғолиб оям, як қисми маблағи озмуни мазкурро ба корҳои хайр сарф мекунам. Замоне, ки ғолиб омадам, аз пайи ин нияти худ шудам. Модарам гуфтанд, ки як қисми пулро ба кӯдакони бемории дил сарф намоем. Аммо ман мехос-там, ки ба ҳайвонҳои бесарпаноҳ низ кӯмак намоям. Баъдан бо модарам маслиҳат кардему як қисмашро ба кӯдакони бемор ва қисми дигарашро ба ҳайвонҳои бесарпаноҳ ҳамчун кӯмак сарф намудем.
- Шумо бо забонҳои тоҷикӣ, русӣ ва англисӣ суруд мехонед. Аслан бо кадом забон суруд хондан бароятон лаззатбахштар аст?
- Албатта, барои ҳар нафар хондан бо забони модарии худ лаззатбахштар аст. Ман сурудҳои Муқаддас Набиеваро дӯст медорам ва яке аз онҳо “Ситораи ман”- ро бозхонӣ кардаам.
- Дар рушди малакаи шумо саҳми киҳо бештар аст?
- Нахуст нақши волидонам бештар аст. Дар ибтидо сурудеро мешунидам ва ба ҳаяҷон меомадам. Мусиқӣ ба ман писанд буд ва мехостам мисли онҳо навозам ва сароям. Маҳз дар ин давра волидонам маро дастгирӣ карданд. Модарам маро ба мактаби мусиқӣ доданд. Нахуст ғижак ва баъди як сол пианинонавозиро омӯхтанӣ рафтам. Баъдан ба мактаби мусиқии вокалии Таҳмина Рамазонова пайвастам. Устодам меҳри сарояндагиро дар қалбам ҷо кард. Дар рушди малакаву маҳорати ман нақши он кас низ басо муҳим аст. Волидонам ва устодам ҳамеша маро дастгирӣ ва кӯмак мекунанд.
- Идеали шумо дар ҷодаи сарояндагӣ кист?
- Шахси муайяне нест, ки идеали ман бошад. Аммо сурудҳои бисёр сарояндаҳоро гӯш мекунам.
- Ба онҳое, ки ҷодаи сарояндагиро интихоб карданиянд, чӣ тавсия медиҳед?
- Ба онҳо мегӯям, ки дар ҷодаи интихобкардаи худ устувор бошанд. Тарсу ҳаяҷонро аз худ дур намоянд ва ба худ боварӣ дошта бошанд. Дар озмунҳои дохилӣ ва хориҷӣ иштирок намоянд. Ба забонҳои хориҷӣ низ сурудҳо хонанд ва истеъдоди худро ба дигарон нишон диҳанд, то ба ин восита истеъдоди худ ва Тоҷикистони азизро ба ҷаҳониён муаррифӣ намоянд.
- Чӣ ҳадафҳое дар пеш доред?
- Аввалан мактабро бо баҳои хубу аъло хатм кардан мехоҳам. Дуюм мақсад дорам, сурудҳои худро сабт намуда, пешниҳоди дигарон намоям. Мехоҳам таҳсилро дар риштаи ҳуқуқшиносӣ идома диҳам.
Гулафшон КАРИМОВА, “ҶТ”
Дар он хонандаи синфи 10-и Литсейи филиали Донишгоҳи давлатии Москва ба номи М.В. Ломоносов дар шаҳри Душанбе Нилуфар Азизоваи 16-сола низ фаъолона иштирок намуда, сазовори мақоми ифтихорӣ шуд. Дар ин росто бо ӯ суҳбате анҷом додем.
- Дар оғоз шуморо барои сарфароз гардиданатон бо медали Фонди хайриявии “Бо амри дил” аз Фестивали байналмилалии хайриявии “Асои сафед” табрик мегуем!
- Ташаккури зиёд.
- Нахуст аз марҳилаҳои интихоб шуданатон ба ин фестивал ва раванди он мехостем чанде гуфта бошед.
- Рӯзе ҳангоми дарс муаллимаам Таҳмина Рамазонова гуфт, ки чунин фестивал баргузор мешавад ва ту метавонӣ дар он ширкат намоӣ. Ростӣ, аввал нияти ширкат намудан надоштам. Тибқи низомномаи ҷашнвора иштирокчиёни он бояд кӯдакони нобино ва биноияшон суст бошад. Ба ин хотир, муаллимаам хостанд, то ман ҳам иштирок намоям. Дар давраи интихобӣ мо суруди “Вақте ту бовар мекунӣ” (When You Believe)-ро пешниҳод намудем. Суруд аз тарафи созмондиҳандагони фестивал баҳои баланд гирифт. Вақте интихоб шудам овозхони маъруфи рус Алсу садоямро писандида, суруди худ “Хоби зимистона” (Зимний сон)-ро фиристод, то машқ кунам. Сурудро машқ кардам ва дар фестивал якҷоя онро иҷро кардем ва хушбахтона бо медали Фонди хайриявии “Бо амри дил” сарфароз гардидам.
- Иштирок дар байни 70 сарояндаи боистеъдоди дорои нуқсони босира ва ҳунарнамоӣ бо овозхони маъруфи рус Алсу бароятон душвор набуд?
- Албатта, иштирок дар чунин саҳнаи бузург барои ҳар як иштирокчӣ ҳаяҷоновар аст. Ман низ бисёр дар ҳаяҷон будам, чун бори аввал бо ин ситораи машҳур дар чунин саҳнаи бузург вомехӯрдам. Аммо замоне ӯро дидам ва бо ҳам суҳбат кардем, то андозае ором шудам. Умуман, ин фестивал бароям бисёр хотирмон буд. Эҳсосеро, ки доштам он замон бо сухан тасвир карда наметавонам. Фестивали мазкур ба ман бисёр таъсири мусбат расонид. Чун боварии маро ба худам зиёд кард ва мехоҳам аз ин ҳам пештар равам ва бо дигар сарояндаҳо низ ҳамроҳ суруд хонам.
- Шумо аз синни 6-солагӣ таҳти роҳбарии Таҳмина Рамазонова, сарояндаи гурӯҳи “Авесто” овозхонӣ менамоед. Нахустин озмуни иштироккардаатонро ёд доред?
- Бори нахуст дар консерти Таҳмина Рамазонова, сарояндаи гурӯҳи “Авесто” бо суруди “Эй ватанам” баромад карда будам. Аммо озмуни аз ҳама ҷиддӣ бароям, озмуни ҷумҳуриявии “Тоҷикистон-Ватани азизи ман” буд. Соли 2021 дар жанри эстрадии “Номинатсияи сарояндагӣ”-и ин озмун ширкат варзидам. Дар даври аввал сазовори ҷойи якум, дар даври дуюм сазовори ҷойи дуюм ва дар даври сеюм сазовори ҷойи дуюм гардидам. Бисёр кӯшиш кардам, то ғолиби ин озмун гардам ва хушбахтона сазовори димломи озмуни мазкур шудам.
- Соли гузашта дар озмуни телевизионии “Central Asias Got Talent” (Осиёи Марказӣ истеъдодҳоро меҷӯяд) иштироки фаъолона доштед. Аз ҷумла, бо суруди “Ман худамро хуб ҳис мекунам” (I feel god”) -и Ҷеймс Браун тавонистед, бо гирифтани аксари овозҳо барандаи финалии вижа гардед. Аз иштирок дар чунин саҳнаи бузург ба худ чӣ гирифтед?
- Ин шоумусобиқае буд, ки дар он аз давлатҳои зиёде иштирок карда буданд. Дар озмун ҳама истеъдоди худро нишон медод ва гурӯҳҳо низ гуногун буданд. Ман аз давраи санҷишӣ гузаштам ва ба Қазоқистон даъват шудам. Дар даври якум бо иҷрои суруди филми аниматсионӣ Дисней “Моана” ва навозиши ғижак тавонистам, ки ба доварон писанд оям ва ба даври дигар гузарам. Зеро ин озмуне буд, ки бояд таваҷҷуҳи доварон ва тамошобинонро бо ҳунари волои худ ҷалб намоӣ. Ман навозиш ва суруданро якҷо кардам. Дар мавсими 2-юм композитсияи “I feel good” (Ман худамро нағз ҳис мекунам)-и Ҷеймс Браунро иҷро кардам ва доваронро ба ҳайрат овардам. Ба доварон хеле писанд омад, зеро онҳо интизор набуданд, ин сурудро бо чунин тарзи зебо иҷро менамоям.
22 нафарро гузоштанд, то тариқи овоздиҳӣ ғолиб муайян гардад. Аз рӯи натиҷаи овоздиҳии тамошобинон пешсаф гардида, сазовори ҷоизапулии 1 миллион танга (ҳудуди 2100 доллар) гаштам. Ростӣ, инро интизор набудам, чун дигарон низ беҳтарин буданд. Субҳи барвақт ба мо занг зада, огоҳ сохтанд, ки ғолиб гаштаам. Инро шунида хеле хушҳол гаштам.
Аз ин озмун бисёр чизҳо гирифтам, аз ҷумла бовар пайдо кардам, ки агар инсон талош намояд ва барои амалӣ шудани мақсади худ кӯшиш созад, ҳатман муваффақ мегардад.
- Соли 2022 бароятон соли бобароре буд. Зеро дар баробари озмуни “Central Asias Got Talent” (Осиёи Марказӣ истеъдодҳоро меҷӯяд) дар чорабинии “Шонздаҳумин Бозиҳои Делфии ҷавонони давлатҳои аъзои ИДМ” ғолиб гардидед. Аз иштирокатон дар ин озмун мегуфтед.
- Чорабинии мазкур аз 14 то 17 октябри соли 2022 баргузор гашт ва он бори нахуст буд, ки дар пойтахти кишварамон гузаронида шуд. Ман аз рӯи номинатсияи “Сарояндаи эстрадӣ” дар ин озмун иштирок кардам. Он аз ду давра иборат буд, ки бо сурудҳои тоҷикӣ ва англисӣ баромад кардам. Ин мусобиқа як рақобати бисёр шадид буд, зеро ҷавонон аз давлатҳои зиёд омада буданд. Боварӣ надоштам, ки дар миёни онҳо ғолиб меоям ва замоне гуфтанд, ки сазовори медали тилло гаштам, бисёр шод шудам.
- Ният доштед, ки як қисми маблағи ҷоизаи озмуни телевизионии “Central Asias Got Talent” (Осиёи Марказӣ истеъдодҳоро меҷӯяд)-ро ба кӯдакони бемор ва як қисми дигарашро ба ҳайвоноти бесарпаноҳ сарф намоед. Оё ин иқдоми некро амалӣ сохтед?
- Ман ба модарам мегуфтам, ки агар дар ин мусобиқа ғолиб оям, як қисми маблағи озмуни мазкурро ба корҳои хайр сарф мекунам. Замоне, ки ғолиб омадам, аз пайи ин нияти худ шудам. Модарам гуфтанд, ки як қисми пулро ба кӯдакони бемории дил сарф намоем. Аммо ман мехос-там, ки ба ҳайвонҳои бесарпаноҳ низ кӯмак намоям. Баъдан бо модарам маслиҳат кардему як қисмашро ба кӯдакони бемор ва қисми дигарашро ба ҳайвонҳои бесарпаноҳ ҳамчун кӯмак сарф намудем.
- Шумо бо забонҳои тоҷикӣ, русӣ ва англисӣ суруд мехонед. Аслан бо кадом забон суруд хондан бароятон лаззатбахштар аст?
- Албатта, барои ҳар нафар хондан бо забони модарии худ лаззатбахштар аст. Ман сурудҳои Муқаддас Набиеваро дӯст медорам ва яке аз онҳо “Ситораи ман”- ро бозхонӣ кардаам.
- Дар рушди малакаи шумо саҳми киҳо бештар аст?
- Нахуст нақши волидонам бештар аст. Дар ибтидо сурудеро мешунидам ва ба ҳаяҷон меомадам. Мусиқӣ ба ман писанд буд ва мехостам мисли онҳо навозам ва сароям. Маҳз дар ин давра волидонам маро дастгирӣ карданд. Модарам маро ба мактаби мусиқӣ доданд. Нахуст ғижак ва баъди як сол пианинонавозиро омӯхтанӣ рафтам. Баъдан ба мактаби мусиқии вокалии Таҳмина Рамазонова пайвастам. Устодам меҳри сарояндагиро дар қалбам ҷо кард. Дар рушди малакаву маҳорати ман нақши он кас низ басо муҳим аст. Волидонам ва устодам ҳамеша маро дастгирӣ ва кӯмак мекунанд.
- Идеали шумо дар ҷодаи сарояндагӣ кист?
- Шахси муайяне нест, ки идеали ман бошад. Аммо сурудҳои бисёр сарояндаҳоро гӯш мекунам.
- Ба онҳое, ки ҷодаи сарояндагиро интихоб карданиянд, чӣ тавсия медиҳед?
- Ба онҳо мегӯям, ки дар ҷодаи интихобкардаи худ устувор бошанд. Тарсу ҳаяҷонро аз худ дур намоянд ва ба худ боварӣ дошта бошанд. Дар озмунҳои дохилӣ ва хориҷӣ иштирок намоянд. Ба забонҳои хориҷӣ низ сурудҳо хонанд ва истеъдоди худро ба дигарон нишон диҳанд, то ба ин восита истеъдоди худ ва Тоҷикистони азизро ба ҷаҳониён муаррифӣ намоянд.
- Чӣ ҳадафҳое дар пеш доред?
- Аввалан мактабро бо баҳои хубу аъло хатм кардан мехоҳам. Дуюм мақсад дорам, сурудҳои худро сабт намуда, пешниҳоди дигарон намоям. Мехоҳам таҳсилро дар риштаи ҳуқуқшиносӣ идома диҳам.
Гулафшон КАРИМОВА, “ҶТ”
Хабарҳои дигар
Рӯзнома
Эзоҳи худро нависед