Дар маркази ноҳияи Ашт шаҳраки Шайдон 10 адад қутии хурд ва 20 адад қутии калони партов ба ҷойҳои муайяншуда насб карда шуд.

Дар ин бора аз Мақомоти иҷроияи ҳокимияти давлатии ноҳияи Ашт иттилоъ дода гуфтанд, ин амал бо ташаббуси мақомоти маҳаллӣ ва саховатмандону соҳибкорон роҳандозӣ гардида, барои он 7 ҳазор сомонӣ маблағ масраф шудааст.

Ин иқдомро дар оянда низ мақомоти маҳаллӣ идома дода, дар 9 ҷамоати ноҳия қутии партовро насб менамояд. Мақсад аз гузоштани қутии партов ба кӯча ва хиëбонҳои шаҳраки Шайдон тоза нигоҳ доштани кӯчаву хиëбонҳо аз партов ва ободу зебо гардонидани ноҳия арзëбӣ шуд.

СаодатИСМОИЛӢ, "ҶТ"