Имрӯз, 6 феврал, бо ташаббуси ташкилоти ҷамъиятии "Ҷавонони ташаббускори Тоҷикистон" дар муассисаи таҳсилоти миёнаи умумии №13-и Ҷамоати деҳоти Раҷаб Исмоилови шаҳри Ваҳдат бо хонандагон мулоқот баргузор гардид.

Вохӯрӣ дар доираи татбиқи лоиҳаи "Таҳсилоти хонандагон" ба вуқуъ омад, ки дар он намояндагони Бахши ҷавонон, варзиш ва сайёҳӣ, Раёсати маорифи шаҳр, раиси маҳалла, раиси АВО, домуллои маҳалла низ ширкат намуданд.

Дар машварат, ки роҷеъ ба мавзӯи "Таҳсилоти духтарон аз нигоҳи дин" нигаронида шуда буд, ҷавонон бори дигар аз ҳадафҳои аслии лоиҳаи мазкур пурра бохабар шуданд.

Мулоқот бо волидайни хонандагон низ доир шуд. Падару модарон аз ҳолати воқеии хонандагон, таҳсилоти онҳо дар муассисаҳои мактабӣ, тарбияи насли ҷавон дар рӯҳияи солим ва алалхусус таҳсилоти духтарон дар зинаи сеюми таҳсилот огаҳ шуданд.