Се ҷавони муҳоҷир бо маблағи ба дастоварадаашон аз муҳоҷирати корӣ дар ободонии зодгоҳашон  саҳм гузоштаанд, ки амали онҳоро мақомоти ноҳия дастгирӣ кардааст.

Ин ҷавонон дар шаҳраки "Фархор"-и ноҳияи Фархор, аз ҳисоби даромадашон  чароғ  харидорӣ намуда, дар кӯчаҳои маҳаллаашон насб кардаанд.

Раҳмон Ҳасанов, раиси маҳаллаи Мирзо Турсунзодаи ноҳияи мазкур гуфт: "Ин ҷавонон, ки дар Русия ба муҳоҷирати меҳнатӣ мерафтанд, ба мо муроҷиат кардаанд, ки омода ҳастанд, пули насби чароғҳоро диҳанд. Мо иҷозати шабакаҳои барқиро гирифтем ва пардохти маблағи барқро се ҷавон ба зима гирифтанд".

Ширинбек Бозоров, яке аз ин ҷавонҳо  иброз намуд, ки "Бо ду рафиқи ҳамсояамон маслиҳат карда, симҳоро аз Русия ва лампаҳоро а ноҳия харидорӣ карда, кӯчаамонро мисли шаҳр равшан кардем».

Қурбон Давлатов сокини ин ҷамоат гуфт, ки  "Ин ҷавонҳо воқеан ҳам ватандӯстанд, чунки бо пайдо шудани имконияти аввалини молӣ, дар фикри ҳалли мушкили зодгоҳи худ шуданд".

Чунин иқдом дар ноҳияи Фархор бори аввал набуда, чанде пеш соҳибкор Диловар Муҳиддинов дар ноҳия барои сохтмони мактаб, бемористон ва дар бозсозии даҳҳо километр роҳ саҳм гузоштааст.

Умед Мирзоев,"ҶТ"