15 апрел дар толори Мактаби варзишии №1-и ноҳияи Ашт бахшида ба эълон гардидани соли 2017 “Соли ҷавонон” мусобиқаи ноҳиявӣ оид ба шоҳмот гузаронида шуд, ки дар он калонсолон, ҷавонон ва бонувон иштирок намуданд.

Тавре аз Бахши ҷавонон, варзиш ва сайёҳии ноҳия иттилоъ доданд, мақсад аз баргузории мусобиқа баланд бардоштани қобилияти фикрии варзишгарон, омода намудани онҳо ба мусобиқаҳои сатҳи вилоятӣ ва ҷумҳуриявӣ, рушди мусобиқаи шоҳмот ва муайян намудани дастаи беҳтарини ноҳия мебошад.

Иттилоъ дода шуд, ки дар мусобиқа аз ҷамоату шаҳраки деҳоти ноҳияи Ашт 10 дастаи варзишгарон фаъолона иштирок намуданд.

Дар охир ба дастаҳои ғолиб тӯҳфаҳои хотиравии Бахши ҷавонон, варзиш ва сайёҳии ноҳияи Ашт тақдим карда шуд.

Саодат ИСМОИЛӢ