Ба ифтихори ҷашни Ваҳдати миллӣ ва “Соли ҷавонон” дар маркази ВМКБ, шаҳри Хоруғ ду майдончаи нави варзишӣ барои бозиҳои футбол, волейбол ва баскетбол бунёд мегардад.

Тавре Имомёрбек Имомёрбеков, мудири Бахши ҷавонон, варзиш ва сайёҳии шаҳри Хоруғ иттилоъ дод, майдончҳои варзишӣ бо иқдоми Бахш, ҷавонони фаъол ва дастгирии мақомоти иҷроияи маҳаллии ҳокимияти давлатии шаҳр дар маҳаллаҳои Андарситез ва Хоруғи Боло сохта шуданд.

- Майдончаҳои варзишӣ барои 400 нафар ҷойи нишаст пешбинӣ гардида, дар масоҳати 300 метри мураббаъ бунёд мешаванд. Феълан корҳои сохтмонӣ дар майдончаи варзишии “Андарситез” дар арафаи анҷомёбӣ буда, майдончаи “Бархоруғ”- и Хоруғи Боло рӯзҳои наздик ба истифода дода мешавад, - афзуд И. Имомёрбеков.

Машҳур ИМОМНАЗАРОВ, “ҶТ”