Дар ноҳия Восеъ бахшида ба “Соли ҷавонон” дар доираи нақша чорабиниҳои бахши ҷавонон, варзиш ва сайёҳии ноҳия дар ҳамкорӣ бо мақомотҳои ҳифзи ҳуқуқ семинари машваратӣ дар мавзӯи “Роҳҳои пешгирии ҷинояту ҷинояткорӣ, нашъамандӣ ва дигар зуҳуроти номатлуб дар байни ҷавонону наврасон” баргузор гардид.

Дар он раиси ноҳия, Ғафурзода Мӯсо Зариф, роҳбарони мақомотҳои ҳифзи қуқуқ, шуъбаю бахшҳои мақомоти иҷроияи ҳокимияти давлатии ноҳия, раисони ҷамоату шаҳрак ва деҳот, директорони муассисаҳои таълимӣ, раисони кумитаҳои маҳал ва ҷавонони ноҳия иштирок намуданд.

Ғафурзода Мӯсо Зариф, қайд намуд, ки “Имрӯз вақти он аст, ки ҷавонону наврасони мо аз имкониятҳои барои таълиму тарбия фароҳам сохтаи давлату ҳукумати мамлакат босамар истифода намоянд, маърифату маънавиёти худро комил созанд ва дар оянда ҳамчун шахси  соҳибмаърифат ва мутахассиси варзидаи ҷомеа соҳиби эътибору обрӯ гарданд”.

Дар фарҷом сардори ШВКД-и ноҳия оид ба роҳҳои пешгирии ҳодисаҳои номатлуб ва ҷинояту ҷинояткорӣ дар ноҳия баромад намуд.

Умед Мирзоев, “ҶТ”