Дар шаҳри Бохтар бахшида ба «Соли-рушди сайёҳӣ ва ҳунарҳои мардумӣ» корҳои ободонӣ ва ҳашари умумишаҳрӣ таҳти унвони «Аксияи тозагии маҳал» гузаронида шуд.

Дар аксия сокинони касбу кори гуногун, кормандони ташкилоту идораҳо ба ҳашар баромада, шафати роҳҳо, кӯчаю гулгаштҳо, каналу заҳбурҳо ва дигар гӯшаву канори ҳудуди шаҳрро аз ҳама гуна партов тоза намуданд.

Чорабинии мазкур дар асоси нақшаи таҳрезигардидаи Раиси шаҳр ба роҳ монда шуда, ҳадаф аз баргузории аксияи мазкур тоза нигоҳ доштани муҳити атроф саргаҳи дарёву каналҳо ва ба ин васила ҷалб намудани таваҷҷӯҳи сокинони шаҳр ба беҳдошти муҳити зист ва корҳои ободонию созандагӣ ба ҳисоб меравад.

Фирӯз АБДУРАҲМОНОВ, “ҶТ”