Дар варзишгоҳи марказии ноҳияи Ишкошим байни ҷавонписарону духтарони соли таваллуди 2000 – 2004 мусобиқаи варзишӣ аз намуди варзиши сабук доир гардид.

Дар он варзишгарон аз рӯи ҷаҳидан ба баландӣ, найзапартоӣ, давидан ба масофаҳои гуногун (100, 800 ва 1500 метр) миёни ҳам сабқат намуданд.

Ба иттилои масъулини Бахши кор бо ҷавонон ва варзиши ноҳия мусобиқа баҳри ташвиқи тарзи ҳаёти солим дар сатҳи баланд ҷамъбаст гашта, ғолибон аз ҷониби Муассисаи давлатии мактаби варзишии ноҳия бо медалу ифтихорномаҳо қадрдонӣ шуданд.

Машҳур ИМОМНАЗАРОВ, “ҶТ”