- Дар доираи мулоқоти Асосгузори сулҳу ваҳдати милли - Пешвои миллат муҳтарам Эмомалӣ Раҳмон бо фаъолону роҳбарони Вилояти Мухтори Кӯҳистони Бадахшон, ки рӯзи 15 сенятбри солӣ ҷорӣ баргузор гардида буд, раиси вилоят Шодихони Ҷамшед бо донишҷӯёни донишгоҳи давлатии Хоруғ (ДДХ) ба номи Моёношо Назаршоев ва ҷавонони ВМКБ мулоқот намуд.

Ба иттилои мудири Шуъбаи кор бо ҷавонони назди донишгоҳ Дидоршоҳ Насриддинов дар вохӯрӣ ректори донишгоҳ, профессор Шермамад Ҷонмамадов, роҳбарият ва намоядагони мақомоти иҷроияи маҳалии ҳокимияти давлатии шаҳри Хоруғ, сохторҳои қудратӣ, муовинони ректор ва устодону кормандони ДДХ ширкат намуданд.

Қайд гардид, ки солҳои охир теъдоде аз ҷавонони вилоят аз тарафи гурӯҳҳои ҷинояткору экстремистӣ фирефта шуда, даст ба корҳои ношоям задаанд. Ҳамин аст, ки ҳолатҳои шомилшавӣ ба гурӯҳҳои террористӣ, гардиши маводи мухаддир, мушкилӣ бо машруботи спиртӣ, вирусии норасоии масъунияти одам, ошкоркунии яроқу аслиҳаи оташфишон байни ҷавонон мушоҳида гашта, ин мушкилиҳо бояд бетаъхир ҳаллу фасл шаванд.

Чунин суҳбату вохӯриҳои судманд дар ҳамаи маҳаллаҳои шаҳр ва ноҳияҳои ВМКБ дар назар дошта шудааст.

Машҳур ИМОМНАЗАРОВ, “ҶТ”