Дар шаҳри Панҷакент бахшида ба 26-солагии таъсисёбии Қувваҳои Мусаллаҳи ҷумҳурӣ дар боғ ва хиёбонҳои марказии шаҳр аксияи тарғиботӣ таҳти унвони “Хизмати Модар-Ватанро аз дилу ҷон мекунем” гузаронида шуд.

Аксияи мазкур бо ибтикори Бахши кор бо ҷавонон ва варзиши шаҳр доир гардида, дар ҷараёни он ба сокинон варақаҳои иттилоотӣ тақсим карда шуданд.

Гуфта шуд, ки ҷавонон ба Модар — Ватан хизмати содиқона намуда, марзу буми онро ҳимоя карда, дар ҳимояи манфиатҳои давлату миллат ҳушёр буданро қарзи фарзандии худ медонанд. Зеро хизмат ба ватан шараф аст!

Шодмон НУРМАТОВ, “ҶТ”