Хабарҳои кӯтоҳ
Ҷумъа 26 Апрел 2024 09:18
Хадамоти бехатарии ҳаракати Ҳамос дар минтақаи Ғозаҳи Фаластин чанде аз аъзои гурӯҳи Салафияро паси панҷара кашид. Онҳо барои ҳамкорӣ бо хадамоти ҷосусии Исроил айбдор шудаанд. Тавре рӯзномаи “Al-Akhbar” иттилоъ додааст, ҷангиёни ин гурӯҳ, ҳамчунин бо давлати исломии Ироқу Шом (ДИИШ) робита дошта, савори дучархаи муҳаррикдор ният доштаанд, дар минтақаи Ғозаҳ якчанд амалҳои террористӣ анҷом диҳанд.
Ҳамос ба он хотир Исроилро айбдор медонад, ки яҳудиҳо мехоҳанд “системаи стратегии муқовимат”-и Фаластинро вайрон созанд. Маҳз аз ин сабаб исроилиҳо бо салафиҳо робита барқарор намудаанд.
Мақомоти ҳифзи тартиботи Фаластин баён дошт, ки қувваҳои ҳаракати Ҳамос нисбати ҳаракат ва ҷойивазкунии ғайриодии афроди гумонбар тафтиш гузаронд. Дар натиҷа чандин нафар боздошт шуд. Онҳо ба он айбдор шудаанд, ки ният доштанд, якчанд амалҳои террористӣ анҷом диҳанд. Назоратро аз болои баргузории амалиёт гӯё хадамоти ҷосусии Исроил ба уҳда доштааст.
Ҳаракати Ҳамос соли 1987 дар заминаи шохаи ҷудошудаи “Бародарони мусулмон”-и Миср ва ҷиҳоди исломии минтақаи Ғозаҳи Фаластин таъсис ёфтааст. Роҳбари маънавии ҳаракат шайх Аҳмад Ёсин маҳсуб меёбад, ки аз хурдӣ фалаҷ шудаю рӯи курсии маъюбӣ нишастааст.
Аз ибтидо ҳаракат барои Исроил чун рақиби ташкилоти озодибахши Фаластин (роҳбараш Ёсир Арафот) дониста мешуд. Фаъолияти накӯкорона ва динии роҳбари ояндаи ҳаракат Аҳмади Ёсин дар заминҳои соли 1967 ишғол намудаи Исроил писанди маъмурияти ҳарбии яҳудӣ дар ин минтақа буд.
Ҳангоми вуруди артиши шӯравӣ ба Афғонистон ихтиёриёни Ҳамос ба ин кишвари ҷангзада омада, дар муқовимат ширкат доштанд.
Ин боис шуд, дар ҳудудҳои ишғолшудаи Фаластин якбора руҳияи чорабиниҳои қатъӣ (радикали)-и исломӣ авҷ гирад, ки пеш дар ҷомеаи фаластинӣ вуҷуд надошт. Ва Ҳамос хеле шуҳратёр гардид. Ҳанӯз он замон миёни тарафдорони ташкилоти озодибахши Фаластин ва Ҳамос дар ҳудуди Ғозаҳ ва соҳили ғарбии рӯди Урдун низоъҳо рух медод.
Билохира соли 1988 ташкилоти озодибахш расман аз усулҳои террористӣ даст кашида, соли 1993 бо Исроил қарордод ба имзо расонд. Ҳамос баръакс, худи ҳамон сол ба амалҳои террористӣ даст зада, қарордодро имзо накард.
Ҳамос ҳаракати соф мусулмонӣ буда, аъзояш суннимазҳабанд. Аммо дар интихоботи порлумонии соли 2006 дар минтақаи Ғозаҳ, хонуми насронӣ Ҳусом ат-Тавилро дастгирӣ намуда, ӯро ба Шӯрои қонунгузории Фаластин оварда расонд. Дар интихоботи мири шаҳри Рамоллоҳ – пойтахти муваққатии Фаластини мухтор боз ҳам як хонуми дигари насронӣ Ҷенет Ҳуриро дастгирӣ кард, ки ӯ низ дастболо шуд.
Исроил барои ИМА калтакест болои давлатҳои арабӣ. Дар ҳама маврид онро дастгирӣ менамояд. Замони ҷанги дуюми ҷаҳон бар асари яҳудбадбинии саркардаи фашистон - Гитлер миллионҳо нафар намояндагони ин қавм нобуд карда шуданд. Ин ҳолро ҳолокост ном мебаранд, яъне қатли ом. Басо таассуфовар аст, ки ин қисмати талх кунун барои насли имрӯзаи яҳуд дарси ибрат нашуд. Айнан вазъи ҳолокостиро нисбати мардуми сарсахт ва талхқисмати фаластин раво мебинанд. Замини ин мардумро зӯран ғасб намуда, ҳар гуна амалҳои ҷангиро роҳандозӣ месозанд. Даҳсолаҳо бар асари чунин амалҳо, даҳҳо ҳазор мардуми осоиштаи фаластин ба ҳалокат расидааст.
Ҳамос ҳаракатест баҳри мустақилият ва озодии мардуми Фаластин, ки дар ватани хеш, аз дасти яҳудиёни ишғолгар ҷабру ситами зиёд дидаю мебинаду бо давлати Исроил муборизаи сахт ва беамон бурда, ҳеҷ созишро бо эшон раво намебинад. Исроиле, ки мувофиқи таҳқиқоти бостоншиносон дар ин мавзеъ умуман решаҳои таърихӣ надорад. Аз ин рӯ, ҳаракати Ҳамос барои Исроил шояд душмани рақами як бошад. Пас баҳри паст задани маҳбубияту нуфуз ва суст намудани мавқеи ин ҳаракат аз ҳама усулҳо истифода мебарад. Аз ҷумла, аз ҳамкорӣ бо салафиҳои тундрав ва давлати ба ном исломӣ.
Т. ДАВЛАТ, “ҶТ”
Ҳамос ба он хотир Исроилро айбдор медонад, ки яҳудиҳо мехоҳанд “системаи стратегии муқовимат”-и Фаластинро вайрон созанд. Маҳз аз ин сабаб исроилиҳо бо салафиҳо робита барқарор намудаанд.
Мақомоти ҳифзи тартиботи Фаластин баён дошт, ки қувваҳои ҳаракати Ҳамос нисбати ҳаракат ва ҷойивазкунии ғайриодии афроди гумонбар тафтиш гузаронд. Дар натиҷа чандин нафар боздошт шуд. Онҳо ба он айбдор шудаанд, ки ният доштанд, якчанд амалҳои террористӣ анҷом диҳанд. Назоратро аз болои баргузории амалиёт гӯё хадамоти ҷосусии Исроил ба уҳда доштааст.
Ҳаракати Ҳамос соли 1987 дар заминаи шохаи ҷудошудаи “Бародарони мусулмон”-и Миср ва ҷиҳоди исломии минтақаи Ғозаҳи Фаластин таъсис ёфтааст. Роҳбари маънавии ҳаракат шайх Аҳмад Ёсин маҳсуб меёбад, ки аз хурдӣ фалаҷ шудаю рӯи курсии маъюбӣ нишастааст.
Аз ибтидо ҳаракат барои Исроил чун рақиби ташкилоти озодибахши Фаластин (роҳбараш Ёсир Арафот) дониста мешуд. Фаъолияти накӯкорона ва динии роҳбари ояндаи ҳаракат Аҳмади Ёсин дар заминҳои соли 1967 ишғол намудаи Исроил писанди маъмурияти ҳарбии яҳудӣ дар ин минтақа буд.
Ҳангоми вуруди артиши шӯравӣ ба Афғонистон ихтиёриёни Ҳамос ба ин кишвари ҷангзада омада, дар муқовимат ширкат доштанд.
Ин боис шуд, дар ҳудудҳои ишғолшудаи Фаластин якбора руҳияи чорабиниҳои қатъӣ (радикали)-и исломӣ авҷ гирад, ки пеш дар ҷомеаи фаластинӣ вуҷуд надошт. Ва Ҳамос хеле шуҳратёр гардид. Ҳанӯз он замон миёни тарафдорони ташкилоти озодибахши Фаластин ва Ҳамос дар ҳудуди Ғозаҳ ва соҳили ғарбии рӯди Урдун низоъҳо рух медод.
Билохира соли 1988 ташкилоти озодибахш расман аз усулҳои террористӣ даст кашида, соли 1993 бо Исроил қарордод ба имзо расонд. Ҳамос баръакс, худи ҳамон сол ба амалҳои террористӣ даст зада, қарордодро имзо накард.
Ҳамос ҳаракати соф мусулмонӣ буда, аъзояш суннимазҳабанд. Аммо дар интихоботи порлумонии соли 2006 дар минтақаи Ғозаҳ, хонуми насронӣ Ҳусом ат-Тавилро дастгирӣ намуда, ӯро ба Шӯрои қонунгузории Фаластин оварда расонд. Дар интихоботи мири шаҳри Рамоллоҳ – пойтахти муваққатии Фаластини мухтор боз ҳам як хонуми дигари насронӣ Ҷенет Ҳуриро дастгирӣ кард, ки ӯ низ дастболо шуд.
Исроил барои ИМА калтакест болои давлатҳои арабӣ. Дар ҳама маврид онро дастгирӣ менамояд. Замони ҷанги дуюми ҷаҳон бар асари яҳудбадбинии саркардаи фашистон - Гитлер миллионҳо нафар намояндагони ин қавм нобуд карда шуданд. Ин ҳолро ҳолокост ном мебаранд, яъне қатли ом. Басо таассуфовар аст, ки ин қисмати талх кунун барои насли имрӯзаи яҳуд дарси ибрат нашуд. Айнан вазъи ҳолокостиро нисбати мардуми сарсахт ва талхқисмати фаластин раво мебинанд. Замини ин мардумро зӯран ғасб намуда, ҳар гуна амалҳои ҷангиро роҳандозӣ месозанд. Даҳсолаҳо бар асари чунин амалҳо, даҳҳо ҳазор мардуми осоиштаи фаластин ба ҳалокат расидааст.
Ҳамос ҳаракатест баҳри мустақилият ва озодии мардуми Фаластин, ки дар ватани хеш, аз дасти яҳудиёни ишғолгар ҷабру ситами зиёд дидаю мебинаду бо давлати Исроил муборизаи сахт ва беамон бурда, ҳеҷ созишро бо эшон раво намебинад. Исроиле, ки мувофиқи таҳқиқоти бостоншиносон дар ин мавзеъ умуман решаҳои таърихӣ надорад. Аз ин рӯ, ҳаракати Ҳамос барои Исроил шояд душмани рақами як бошад. Пас баҳри паст задани маҳбубияту нуфуз ва суст намудани мавқеи ин ҳаракат аз ҳама усулҳо истифода мебарад. Аз ҷумла, аз ҳамкорӣ бо салафиҳои тундрав ва давлати ба ном исломӣ.
Т. ДАВЛАТ, “ҶТ”
Рӯзнома
