Хабарҳои кӯтоҳ
Ҷумъа 26 Апрел 2024 08:47
Гурӯҳи каратэ-до мустақар дар деҳаи Шоди ноҳияи Роштқалъа имрӯз яке аз гурӯҳҳои пешсафи варзишии вилоят ба ҳисоб меравад. Солҳои охир варзишгарони он дар бисёр мусобиқаҳои дохилу хориҷи кишвар аз намудҳои мухталифи якҳарбаи шарқӣ баромад карда, шарафи диёри хешро баланд мебардоранд.
Бояд қайд намуд, ки солҳои 90-уми аср гузашта дар ҷумҳурӣ бесарусомониҳои сиёсӣ ва буҳрони иқтисодӣ-иҷтимоӣ ба вуҷуд омад. Вобаста ба ин дар ҷомеа амалҳои номатлуб, аз қабили нашъамандию нашъаҷаллобӣ ва майзадагӣ доман густурданд. Ҷавонони деҳаи Шод бо сарварии варзишкор Хушомад Алидодов аз ҳисоби бинои фермаи собиқ совхози “Шоҳабдураҳмон” толори хурдеро ташкил дода, бо ҷалби на фақат ҳамдеҳагон, балки ҷавонони дигар деҳаҳо гурӯҳи каратэ-до ташкил намуданд.
Баъди он, ки бинои ферма хусусӣ гардид, варзишгарон дар анбори мағозаи ҷамъияти матлуботи деҳа ба тамрин машғул гардида, муддати чанд сол дар ин ҷо машқ намуданд. Иншооти мазкур низ хусусӣ гардид. Аммо тамринҳо манъ нашуданд.
Тавре мураббӣ Хушомад Алидодов гуфт, онҳо тобистон тамринро дар кӯча ва кӯҳу пушта гузаронида, фасли сармо дар хонаи шахсии худаш мегузарониданд.
- Шароит хеле маҳдуд буд, ба мусобиқаҳои ҷумҳуриявӣ ва берун аз он баромада наметавонистем, вале аз тамрин боре ҳам мунсариф нашудем,- иброз дошт мураббӣ.
Тибқи иттилои номбурда, ин ҳолат то соли 2002 идома ёфт. Расман соли 2002 дар базаи мактаби варзишии ноҳияи Роштқалъа гурӯҳи таэквандо кушода шуд. Соли 2010-ум ин гурӯҳ аз Федератсияи Таэквондо ВТФ ҷудо шуда, ба узвияти Федератсияи навтаъсиси Кёкушинкани Ҷумҳурии Тоҷикистон пайваст.
Соли 2011 дар таърихи фаъолияти мактаби варзишии таэквандои вилоят саҳифаи тиллоӣ буд. Раиси собиқи вилоят, Қодири Қосим ду синфхонаи бинои мактаби куҳнаи деҳаро дар ихтиёри варзишгарони ин намуди варзиш супорида, 5 ҳазор сомонӣ кӯмакпулӣ ҷудо намуд. Дар муддати 1 моҳ ба таври ҳашар толори хурд, вале барҳаво бунёд гардид ва ин имкон дод, ки минбаъд варзишгарон дар мусобиқоти сатҳи ҷумҳуриявию байналхалқӣ дар риштаҳои мухталифи якҳарбаи шарқӣ баромад карда, сазовори ҷойҳои намоён гарданд.
Аз ҷумла, соли 2011 Қабул Сафармамадов дар чемпионати ҷумҳуриявӣ аз намуди кёкушинкай соҳиби ҷои аввал ва унвони чемпиони Тоҷикистон гардид. Соли 2012 варзишгари дигар Гунигор Чушчакова дар чемпионати ҷумҳуриявӣ дар риштаи таэквондо миёни духтарон ба гирифтани ҷойи дуюм мушарраф шуд. Соли 2013 бошад, Шаҳриёр Алидодов ба чемпионати Осиё дар Ҷумҳурии Исломии Эрон аз намуди кёкушин каратэ роҳхат гирифта, бо гирифтани медали биринҷӣ ба Тоҷикистон баргашт.
Ҳамчунин, соли 2014 ду нафар варзишгар-Чоршанбиев Чоршанбе миёни ҷавонон ва Шаҳриёр Алидодов байни кӯдакон дар мусобиқаи байналхалқӣ аз намуди Таэквондо ширкат варзида, Шаҳриёр соҳиби медали тилло ва Чоршанбе сазовори медали биринҷӣ гардид. Худи ҳамин сол шогирди дигари мо Музаффар Замиров дар чемпионати ҷумҳуриявӣ дар риштаи Кёкушинкай сазовори медали тилло шуд.
Ҳамин тариқ соли 2015 Шаҳриёр Алидодов дар чемпионати Осиё аз намуди Каратэи касбӣ ва Кёкушинкай дар шаҳри Теҳрони Ҷумҳурии Исломии Эрон дар ҳайҳайти дастаи якачини Ҷумҳурии Тоҷикистон ширкат варзида, сазовори медали тилло, унвони “Чемпиони Осиё” ва ҷоми байналхалқии “Фаҷр” гардид.
Инчунин дар ин сол дастпарвари мактаби мо Чоршанбиев Чоршанбе дар чемпионати ҷаҳон аз намуди Муҳорибаи омехта дар шаҳри Ярослави Федератсияи Россия иштирок намуда, сазовори ҷои аввал, унвони чемпиони ҷаҳон ва камарбанди қаҳрамонӣ гардид.
Баъди тақрибан ду сол билохира тирамоҳи соли 2017 се нафар варзишгари мо Шаҳриёр Алидодов, Мунис Кабиров, Бекдавлат Бекдавлатов дар чемпионати ҷумҳуриявӣ аз намуди каратэ-до ва годзю рю ширкат варзида, бо гирифтани 4 медали тилло ва 3 медали биринҷӣ шарафи варзиши диёри хешро баланд бардоштанд.
Бояд гуфт, ки соли 2018 барои варзишгарони мо соли хотирмон буд. Чемпионати Ҷумҳурии Тоҷикистон аз намуди каратэ до ва годзю рю дар шаҳри Хуҷанд баргузор гардид, ки дар он 8 дастпарвари клуби мо дар усулҳои мухталиф ширкат намуда, ба гирифтани 40 медал - 4 тилло, 14 нуқра ва боқимонда биринҷӣ комёб гарадиданд.
Комёбиҳои варзишгарони моро ба назар гирифта моҳи август Кумитаи кор бо ҷавонон ва варзиши назди Ҳукумати Ҷумҳурии Тоҷикистон ду тан аз шогирдони мо - Шаҳриёр Алидодов ва Карамалӣ Дамирро бо унвони Устоди варзиши Ҷумҳурии Тоҷикистон сарфароз гардонид. Моҳи сентябр варзишгарони дигари мо - Мунис Кабиров, Бекдавлат Бекдавлатов, Сомон Мукарамшоев, Орзуи Шодмонбекзода ва Асад Ёрбеков низ ба гирифтани унвони Номзад ба устоди варзиши Ҷумҳурии Тоҷикистон мушарраф шуданд.
Инчунин соли 2019 мураббӣ Хушомад Алидодов низ сазовори сипосномаи Раиси ВМКБ ва гирифтани унвони Мураббии шоистаи Ҷумҳурии Тоҷикистон мушарраф гардид.
Муваффақиятҳои гурӯҳро дида, соли гузашта Мақомоти маҳаллиии ҳокимияти давлатии вилоят дар ҳамкорӣ бо Вазорати энергетика ва захираҳои оби Ҷумҳурии Тоҷикистон ва кӯмаки молиявии ширкати “Помирэнерҷӣ” толори тамрини варзишгарон аз таъмиру тамрини капиталӣ бароварда шуда, мавриди баҳрабардорӣ қарор гирифт.
Бояд ёдовар шуд, ки аз ҷониби вазорати мазкур соли гузашта инчунин, дар деҳаи Бидиз як толори варзишии нав сохта шуда, толори варзишии деҳаи Бартавдем ва майдончаи варзишии деҳаи Римвоҷ пурра аз таъмир бароварда шуданд.
Ҳамаи ин ғамхориву дастгириҳои давлату Ҳукумати кишвар моро водор месозад, ки ба ояндаи варзиши кишвар умед бандем ва мутмаин бошем, ки бо саъю талоши мураббиёни кордону соҳибтаҷриба чун Хушомад Алидодов дар ин кор муваффақ хоҳем шуд.
Сабзалӣ БОДУРХОНОВ,
директори Мактаби
варзишии ноҳияи Роштқалъа
Бояд қайд намуд, ки солҳои 90-уми аср гузашта дар ҷумҳурӣ бесарусомониҳои сиёсӣ ва буҳрони иқтисодӣ-иҷтимоӣ ба вуҷуд омад. Вобаста ба ин дар ҷомеа амалҳои номатлуб, аз қабили нашъамандию нашъаҷаллобӣ ва майзадагӣ доман густурданд. Ҷавонони деҳаи Шод бо сарварии варзишкор Хушомад Алидодов аз ҳисоби бинои фермаи собиқ совхози “Шоҳабдураҳмон” толори хурдеро ташкил дода, бо ҷалби на фақат ҳамдеҳагон, балки ҷавонони дигар деҳаҳо гурӯҳи каратэ-до ташкил намуданд.
Баъди он, ки бинои ферма хусусӣ гардид, варзишгарон дар анбори мағозаи ҷамъияти матлуботи деҳа ба тамрин машғул гардида, муддати чанд сол дар ин ҷо машқ намуданд. Иншооти мазкур низ хусусӣ гардид. Аммо тамринҳо манъ нашуданд.
Тавре мураббӣ Хушомад Алидодов гуфт, онҳо тобистон тамринро дар кӯча ва кӯҳу пушта гузаронида, фасли сармо дар хонаи шахсии худаш мегузарониданд.
- Шароит хеле маҳдуд буд, ба мусобиқаҳои ҷумҳуриявӣ ва берун аз он баромада наметавонистем, вале аз тамрин боре ҳам мунсариф нашудем,- иброз дошт мураббӣ.
Тибқи иттилои номбурда, ин ҳолат то соли 2002 идома ёфт. Расман соли 2002 дар базаи мактаби варзишии ноҳияи Роштқалъа гурӯҳи таэквандо кушода шуд. Соли 2010-ум ин гурӯҳ аз Федератсияи Таэквондо ВТФ ҷудо шуда, ба узвияти Федератсияи навтаъсиси Кёкушинкани Ҷумҳурии Тоҷикистон пайваст.
Соли 2011 дар таърихи фаъолияти мактаби варзишии таэквандои вилоят саҳифаи тиллоӣ буд. Раиси собиқи вилоят, Қодири Қосим ду синфхонаи бинои мактаби куҳнаи деҳаро дар ихтиёри варзишгарони ин намуди варзиш супорида, 5 ҳазор сомонӣ кӯмакпулӣ ҷудо намуд. Дар муддати 1 моҳ ба таври ҳашар толори хурд, вале барҳаво бунёд гардид ва ин имкон дод, ки минбаъд варзишгарон дар мусобиқоти сатҳи ҷумҳуриявию байналхалқӣ дар риштаҳои мухталифи якҳарбаи шарқӣ баромад карда, сазовори ҷойҳои намоён гарданд.
Аз ҷумла, соли 2011 Қабул Сафармамадов дар чемпионати ҷумҳуриявӣ аз намуди кёкушинкай соҳиби ҷои аввал ва унвони чемпиони Тоҷикистон гардид. Соли 2012 варзишгари дигар Гунигор Чушчакова дар чемпионати ҷумҳуриявӣ дар риштаи таэквондо миёни духтарон ба гирифтани ҷойи дуюм мушарраф шуд. Соли 2013 бошад, Шаҳриёр Алидодов ба чемпионати Осиё дар Ҷумҳурии Исломии Эрон аз намуди кёкушин каратэ роҳхат гирифта, бо гирифтани медали биринҷӣ ба Тоҷикистон баргашт.
Ҳамчунин, соли 2014 ду нафар варзишгар-Чоршанбиев Чоршанбе миёни ҷавонон ва Шаҳриёр Алидодов байни кӯдакон дар мусобиқаи байналхалқӣ аз намуди Таэквондо ширкат варзида, Шаҳриёр соҳиби медали тилло ва Чоршанбе сазовори медали биринҷӣ гардид. Худи ҳамин сол шогирди дигари мо Музаффар Замиров дар чемпионати ҷумҳуриявӣ дар риштаи Кёкушинкай сазовори медали тилло шуд.
Ҳамин тариқ соли 2015 Шаҳриёр Алидодов дар чемпионати Осиё аз намуди Каратэи касбӣ ва Кёкушинкай дар шаҳри Теҳрони Ҷумҳурии Исломии Эрон дар ҳайҳайти дастаи якачини Ҷумҳурии Тоҷикистон ширкат варзида, сазовори медали тилло, унвони “Чемпиони Осиё” ва ҷоми байналхалқии “Фаҷр” гардид.
Инчунин дар ин сол дастпарвари мактаби мо Чоршанбиев Чоршанбе дар чемпионати ҷаҳон аз намуди Муҳорибаи омехта дар шаҳри Ярослави Федератсияи Россия иштирок намуда, сазовори ҷои аввал, унвони чемпиони ҷаҳон ва камарбанди қаҳрамонӣ гардид.
Баъди тақрибан ду сол билохира тирамоҳи соли 2017 се нафар варзишгари мо Шаҳриёр Алидодов, Мунис Кабиров, Бекдавлат Бекдавлатов дар чемпионати ҷумҳуриявӣ аз намуди каратэ-до ва годзю рю ширкат варзида, бо гирифтани 4 медали тилло ва 3 медали биринҷӣ шарафи варзиши диёри хешро баланд бардоштанд.
Бояд гуфт, ки соли 2018 барои варзишгарони мо соли хотирмон буд. Чемпионати Ҷумҳурии Тоҷикистон аз намуди каратэ до ва годзю рю дар шаҳри Хуҷанд баргузор гардид, ки дар он 8 дастпарвари клуби мо дар усулҳои мухталиф ширкат намуда, ба гирифтани 40 медал - 4 тилло, 14 нуқра ва боқимонда биринҷӣ комёб гарадиданд.
Комёбиҳои варзишгарони моро ба назар гирифта моҳи август Кумитаи кор бо ҷавонон ва варзиши назди Ҳукумати Ҷумҳурии Тоҷикистон ду тан аз шогирдони мо - Шаҳриёр Алидодов ва Карамалӣ Дамирро бо унвони Устоди варзиши Ҷумҳурии Тоҷикистон сарфароз гардонид. Моҳи сентябр варзишгарони дигари мо - Мунис Кабиров, Бекдавлат Бекдавлатов, Сомон Мукарамшоев, Орзуи Шодмонбекзода ва Асад Ёрбеков низ ба гирифтани унвони Номзад ба устоди варзиши Ҷумҳурии Тоҷикистон мушарраф шуданд.
Инчунин соли 2019 мураббӣ Хушомад Алидодов низ сазовори сипосномаи Раиси ВМКБ ва гирифтани унвони Мураббии шоистаи Ҷумҳурии Тоҷикистон мушарраф гардид.
Муваффақиятҳои гурӯҳро дида, соли гузашта Мақомоти маҳаллиии ҳокимияти давлатии вилоят дар ҳамкорӣ бо Вазорати энергетика ва захираҳои оби Ҷумҳурии Тоҷикистон ва кӯмаки молиявии ширкати “Помирэнерҷӣ” толори тамрини варзишгарон аз таъмиру тамрини капиталӣ бароварда шуда, мавриди баҳрабардорӣ қарор гирифт.
Бояд ёдовар шуд, ки аз ҷониби вазорати мазкур соли гузашта инчунин, дар деҳаи Бидиз як толори варзишии нав сохта шуда, толори варзишии деҳаи Бартавдем ва майдончаи варзишии деҳаи Римвоҷ пурра аз таъмир бароварда шуданд.
Ҳамаи ин ғамхориву дастгириҳои давлату Ҳукумати кишвар моро водор месозад, ки ба ояндаи варзиши кишвар умед бандем ва мутмаин бошем, ки бо саъю талоши мураббиёни кордону соҳибтаҷриба чун Хушомад Алидодов дар ин кор муваффақ хоҳем шуд.
Сабзалӣ БОДУРХОНОВ,
директори Мактаби
варзишии ноҳияи Роштқалъа
Рӯзнома
