Пагоҳ - 1-уми октябр дар Китобхонаи миллӣ маҳфили фарҳангӣ-фароғатӣ бахшида ба 70-солагии Асланшоҳ Раҳматуллоев, Ҳунарпешаи халқии Тоҷикистон таҳти унвони “Ахтари тобони ҳунари ҳаҷв” баргузор мешавад.

Дар ин бора аз шуъбаи матбуоти Китобхонаи миллӣ иттилоъ доданд.

Қарор аст дар он намояндагон аз Вазорати фарҳанги Ҷумҳурии Тоҷикистон, Раёсати фарҳанги Мақомоти иҷроияи ҳокимияти давлатии шаҳри Душанбе, Кумитаи телевизион ва радиои назди Ҳукумати Ҷумҳурии Тоҷикистон, Театри давлатии академӣ-драмавии ба номи А. Лоҳутӣ, Театри ҷавонони ба номи М. Воҳидов, Театри русӣ-драмавии ба номи В. Маяковский, Театри миниётураи “Оина”, Муассисаи давлатии “Тоҷикфилм”, Донишкадаи давлатии фарҳанг ва санъати Тоҷикистон ба номи М.Турсунзода, намояндагони васоити ахбори омма ширкат намоянд.

Замони баргузории маҳфил соати 14:00 муайян шудааст.