Бо ибтикори Раёсати кор бо занон ва оилаи вилояти Хатлон дар толори мақомоти иҷроияи ҳокимияти давлатии вилоят бахшида ба 27 - солагии Истиқлолияти давлатии Ҷумҳурии Тоҷикистон конфронси илмӣ таҳти унвони “Занон ва Истиқлолият” баргузор гардид.

Хидирзода Махфират Умар, муовини раиси вилояти Хатлон, ба кори конфронс ҳусни оғоз бахшида, доир ба болоравии мақоми занон дар даврони соҳибистиқлолии кишвар суханронӣ намуданд.

Сипас, Амиршоева Саодат, аввалин генералзани тоҷик, Абдусаломзода Анзурат, муовини раиси ноҳияи Ҷалолиддини Балхӣ дар мавзӯи “Нақши занон дар таҳкими Истиқлолияти давлатӣ”, Маҳкамова Дилором - дотсент, номзади илмҳои филологи Донишгоҳи давлатии Қӯрғонтеппа ба номи Носири Хусрав дар мавзӯи “Саҳми бонувони тоҷик дар рушди илм дар даврони Истиқлолият” баромад карданд.

Дар конфронс 135 нафар занони фаъоли вилоят аз тамоми ташкилоту муассисаҳо иштирок намуданд.