15 июл дар Китобхонаи миллии Тоҷикистон чорабинӣ доир ба оғози марҳилаи дуюми лоиҳаи “Тавонмандсозии марказҳои матбуотӣ ва ҳамкории онҳо бо ВАО” доир гардид.

Дар марҳилаи дуюми лоиҳаи “Тавонмандсозии марказҳои матбуотӣ ва ҳамкории онҳо бо ВАО” котибони матбуотии вазорату идораҳо иштирок ва суханронӣ намуданд.

Қайд гардид, ки аҳамияти ин лоиҳа дар он аст, ки ташаккули фазои мусоиди ҳамкорӣ миёни котибони матбуотӣ ва расонаҳо бояд мустаҳкам гардида, инчунин, ҳадафи он таъмини дастрасӣ ба иттилои сареъ ва боэътимод мебошад.

Илова гардид, ки мақсади лоиҳа ҳифз ва таҳкими равобити расонаҳо ва кормандони матбуотӣ ва тақвияти ҳамкории расонаҳо бо марказҳои матбуотӣ дар минтақаҳо мебошад. Интизориҳо аз кори лоиҳа тақвияти фаъолияти марказҳои матбуотӣ, аз ҷумла дар манотиқи кишвар аст ва густариши ҳамкориҳо байни мақомоти давлатӣ ва ВАО мебошад.

Уғулой ҚУТБИДДИНЗОДА,
коромӯзи “ҶТ”