ҶОМЕА
Панҷшанбе 16 Июл 2026 09:28
Дар шаш моҳи гузашта воридоти гандум дар Тоҷикистон афзоиш ёфта, ба 660,8 ҳазор тонна баробар шудааст. Ин рақам нисбат ба ҳамин давраи соли гузашта 47,5 ҳазор тонна ё 7,7% зиёд гардидааст.
Дар ин хусус имрӯз – 16 июл Ҳайдаралӣ Раҷабзода, сардори Хадамоти зиддиинҳисории назди Ҳукумати Ҷумҳурии Тоҷикистон зимни нишасти матбуотӣ иттилоъ дод.
Ба қавли сардори Хадамот нархи миёнаи як тонна гандуми воридотӣ 259 долларро ташкил дода, нисбат ба ҳамин давраи соли гузашта ба андозаи 25 доллар афзоиш ёфтааст.
Ҳамчунин, дар моҳҳои январ - июни соли 2026 ба ҳудуди гумрукии ҷумҳурӣ 35,4 ҳазор тонна орд ба маблағи 11,3 миллион доллар ворид шудааст. Нархи миёнаи як тонна орди воридотӣ 320 долларро ташкил медиҳад. Ҳаҷми воридоти орд нисбат ба ҳамин давраи соли гузашта 11 ҳазор тонна ё 45,2 фоиз зиёд шудааст.
Тибқи иттилои пешниҳодшуда, дар бозори воридоти гандум 60 ва дар орд бошад 19 субъекти хоҷагидор фаъолият доранд. Воридкунандагони асосии орд ҶДММ "Сахад" (34,8 фоиз), ҶДММ "Тоҷ Тур" (35,5 фоиз), Агентии таъминоти амволи махсуси назди Ҳукумати Ҷумҳурии Тоҷикистон (11,7 фоиз) ва дигар субъектҳои хоҷагидор (18,1 фоиз) мебошанд.
Ҳайдаралӣ Раҷабзода ҳамчунин таъкид кард, ки тибқи маълумоти оморӣ, дар шаш моҳи аввали соли 2026 дар ҷумҳурӣ 399,4 ҳазор тонна орд ба маблағи 1 141,0 миллион сомонӣ истеҳсол шудааст. Ин нишондиҳанда нисбат ба ҳамин давраи соли гузашта 95,8 ҳазор тонна ё 31,6 фоиз бештар мебошад.
Илова бар ин, Ҳайдаралӣ Раҷабзода гуфт, ки дар шаш моҳи гузашта ба ҷумҳурӣ 80,8 ҳазор тонна шакар ба маблағи 53,9 миллион доллари ИМА ворид шудааст. Тибқи маълумоти омори гумрукӣ, ҳаҷми воридоти шакар нисбат ба шаш моҳи аввали соли гузашта 12,2 ҳазор тонна ё 15,1 фоиз коҳиш ёфтааст.
Ба гуфтаи ӯ, нархи миёнаи як тонна шакари воридотӣ 667 долларро ташкил дода, нисбат ба ҳамин давраи соли 2025 ба андозаи 38 доллар афзоиш ёфтааст. Ҳамчунин, тибқи маълумоти омори гумрук арзиши миёнаи як тонна шакари воридотӣ аз Федератсияи Русия 711 доллар аз Ҷумҳурии Беларус 975 доллар ва аз Ҷумҳурии Ҳиндустон 556 долларро ташкил медиҳад.
М. МУҚАДДАМОВА, “ҶТ”
Дар ин хусус имрӯз – 16 июл Ҳайдаралӣ Раҷабзода, сардори Хадамоти зиддиинҳисории назди Ҳукумати Ҷумҳурии Тоҷикистон зимни нишасти матбуотӣ иттилоъ дод.
Ба қавли сардори Хадамот нархи миёнаи як тонна гандуми воридотӣ 259 долларро ташкил дода, нисбат ба ҳамин давраи соли гузашта ба андозаи 25 доллар афзоиш ёфтааст.
Ҳамчунин, дар моҳҳои январ - июни соли 2026 ба ҳудуди гумрукии ҷумҳурӣ 35,4 ҳазор тонна орд ба маблағи 11,3 миллион доллар ворид шудааст. Нархи миёнаи як тонна орди воридотӣ 320 долларро ташкил медиҳад. Ҳаҷми воридоти орд нисбат ба ҳамин давраи соли гузашта 11 ҳазор тонна ё 45,2 фоиз зиёд шудааст.
Тибқи иттилои пешниҳодшуда, дар бозори воридоти гандум 60 ва дар орд бошад 19 субъекти хоҷагидор фаъолият доранд. Воридкунандагони асосии орд ҶДММ "Сахад" (34,8 фоиз), ҶДММ "Тоҷ Тур" (35,5 фоиз), Агентии таъминоти амволи махсуси назди Ҳукумати Ҷумҳурии Тоҷикистон (11,7 фоиз) ва дигар субъектҳои хоҷагидор (18,1 фоиз) мебошанд.
Ҳайдаралӣ Раҷабзода ҳамчунин таъкид кард, ки тибқи маълумоти оморӣ, дар шаш моҳи аввали соли 2026 дар ҷумҳурӣ 399,4 ҳазор тонна орд ба маблағи 1 141,0 миллион сомонӣ истеҳсол шудааст. Ин нишондиҳанда нисбат ба ҳамин давраи соли гузашта 95,8 ҳазор тонна ё 31,6 фоиз бештар мебошад.
Илова бар ин, Ҳайдаралӣ Раҷабзода гуфт, ки дар шаш моҳи гузашта ба ҷумҳурӣ 80,8 ҳазор тонна шакар ба маблағи 53,9 миллион доллари ИМА ворид шудааст. Тибқи маълумоти омори гумрукӣ, ҳаҷми воридоти шакар нисбат ба шаш моҳи аввали соли гузашта 12,2 ҳазор тонна ё 15,1 фоиз коҳиш ёфтааст.
Ба гуфтаи ӯ, нархи миёнаи як тонна шакари воридотӣ 667 долларро ташкил дода, нисбат ба ҳамин давраи соли 2025 ба андозаи 38 доллар афзоиш ёфтааст. Ҳамчунин, тибқи маълумоти омори гумрук арзиши миёнаи як тонна шакари воридотӣ аз Федератсияи Русия 711 доллар аз Ҷумҳурии Беларус 975 доллар ва аз Ҷумҳурии Ҳиндустон 556 долларро ташкил медиҳад.
М. МУҚАДДАМОВА, “ҶТ”
Хабарҳои дигар
Рӯзнома
Эзоҳи худро нависед