Анӯшервону Беҳрӯз қаҳрамон ва Азизахону Муҳаммадҷон соҳиби медалҳои биринҷии он шуданд

Дар Чемпионати Осиё оид ба бокс, ки аз 1-ум то 15-уми майи соли 2026 дар шаҳри Тошканди Узбекистон доир гардид, муштзанони тоҷик соҳиби чор медал шуданд.

Тибқи иттилоъ, мусобиқа муштзанҳои соли таваллуди 2012/13 ва 2010/11 дар 2 категорияи вазнии 15 ва 17 солаҳо иштирок намуданд. Дар категорияи 15 солаҳо дар 15 вазн ва дар категорияи 17 солаҳо дар 13 вазн рақобатҳо доир гардиданд.
Миёни муштзанҳои то 15-сола муштзанони тоҷик Азизахон Бобоҷонова (52 кг) ва Муҳаммадҷон Сулаймонов (58 кг) барандагони медалҳои биринҷии шуданд.
Миёни муштзанҳои то 17-сола бошад, Анӯшервон Сидиқов қаҳрамони Осиё миёни наврасон дар вазни 46 кг шуд. Дар рӯзи охири мусобиқа миёни муштзанҳои то 17-сола Анӯшервон Сидиқов дар вазни 46 кг ба гирифтани медали тилло шарафёб гардид. Дар финали мусобиқа Анӯшервон бар намояндаи Узбекистон - Абдуллоҳ Нуралиев зафар ёфт. Ин дуюмин унвони қаҳрамонӣ барои Анӯшервон дар Осиё ба ҳисоб меравад.
Инчунин, Беҳрӯз Умаров қаҳрамони Осиё миёни наврасон дар вазни 54 кг гардид. Дар рӯзи охири мусобиқа Беҳрӯз Умаров дар вазни 54 кг ба гирифтани медали тилло ноил шуд. Дар финали мусобиқа Беҳрӯз бар намояндаи Узбекистон - Абдулбосит Юрсунбоев зафар ёфт.

“ҶТ”