Мунтахаби наврасони Тоҷикистон (U-16) зери роҳбарии Ҷаъфар Ахмедов дуюмин пирӯзии пайиҳами худро дар Чемпионати Ассотсиатсияи футболи Осиёи Марказӣ (CAFA) ба даст овард.

Чемпионати мазкур дар Узбекистон ҷараён дошта, дар даври дуюм дастаи мо мунтахаби Қирғизистонро бо ҳисоби 4:0 шикаст дод.

Дар даври навбатӣ, 11 апрел мунтахаби наврасони то 16-солаи Тоҷикистон бо ҳамтоёни худ аз Афғонистон бозӣ хоҳад кард.

Ёдовар мешавем, ки мунтахаби наврасони Тоҷикистон дар даври аввали мусобиқа бар Туркманистон бо ҳисоби 5:1 ғалаба намуда буд.

“ҶТ”