Таҳти роҳбарии мураббӣ Мубин Эргашев, дастаи олимпии то 23-солаи Тоҷикистон оид ба футбол ғолиби Мусобиқаи байналмилалии “The U-23 Tri Nation International Football Tournament 2026” гардид.

Дар даври ниҳоӣ мунтахаби Тоҷикистон бо ҳамсолони худ аз Ҳиндустон бозӣ карданд. Бозӣ дар варзишгоҳи “Golden Jubilee Stadium”-и Юпия доир гашта, бо ҳисоби 1:0 ба манфиати Тоҷикистон ба анҷом расид.

Қаблан дастаи олимпии то 23-солаи Тоҷикистон дар даври аввал Бутанро бо ҳисоби 1:0 мағлуб карда буд.

Бо ду пирӯзӣ дастаи мунтахаби олимпии то 23-солаи Тоҷикистон дар ду бозӣ ҷойи якумро ишғол карда, ғолиби мусобиқаи мазкур шуд.

Шаҳноза АЗИМОВА, “ҶТ”