Зери ин унвон бо ташаббуси Бахши кор бо ҷавонон ва варзиши ноҳияи Айнӣ дар ҳамбастагӣ бо аъзоёни маҳфили “Пайравони Пешвои миллат”, санаи 7-уми июл бо мақсади пешгирӣ аз бемории сироятии коронавирус аксияи ташвиқотиву тарғиботӣ баргузор гардид.

Дар аксия гуфта шуд, ки ҳама бояд дар мубориза ба ин беморӣ фаъол бошанду ҷиҳати пешгирии он саҳми худро гузоранд ва қоидаҳои беҳдоштиро риоя намоянд.

Таъкид гардид, ки дар мубориза бо ин вабои аср Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар баробари дигар ниҳодҳои давлатӣ то имрӯз саҳмгузор аст. Ҳамарӯза дар сохторҳои маҳаллии он, Бахшҳои кор бо ҷавонон ва варзиш бо волонтёрон дар миёни сокинони кишвар вобаста ба мубориза бар зидди ин беморӣ корҳои фаҳмондадиҳӣ гузаронида, иқдомҳои мазкур минбаъд низ идома меёбанд.