Ба таваҷҷуҳи тамоми иштирокдорон ва нафароне, ки давоми як моҳи охир моро пайгирӣ карданд ва дар озмуни ҷумҳуриявии “ТАРАННУМИ ВАТАН” фаъолона ширкат варзиданд, расонида мешавад, ки қабули маводҳо ба озмун ба итмом расид.

Бо сабаби оне ки яке аз шартҳои асосии ғолибият дар озмун овоздиҳӣ (шарҳ - комментария), бештар мақбул донистани корбарон (лайк) ва бознашр (поделится) дар гурӯҳи фесбукии рӯзнома аст, ба иштирокчиён 5 рӯзи дигар (то 20 май) фурсат дода мешавад, ки фаъол бошанд ва маводҳои худро дар саҳифаҳои худ ва гурӯҳҳои дигар бознашр намоянд.

Ба ҳамаи онҳое, ки давоми ин муддат моро ҳамроҳӣ карданд, изҳори сипос меномоем.

Ёдовар мешавем, ки озмуни ҷумҳуриявии “ТАРАННУМИ ВАТАН” бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Муассисаи давлатии рӯзномаи “Ҷавонони Тоҷикистон” ба муносибати Рӯзи ҷавонони Тоҷикистон як моҳ қабл эълон шуда буд.

Ғолибони озмуни “ТАРАННУМИ ВАТАН” чунин қадрдонӣ карда мешаванд:

БАРОИ ҶОЙИ 1 – НОУТБУК;

БАРОИ 2 ҶОЙИ 2 – ПЛАНШЕТ;

БАРОИ 3 ҶОЙИ 3 – ТЕЛЕФОНИ МОБИЛӢ.

Ҳамчунин, ба 10 нафар иштирокчии фаъоли озмун соати ҳушманд (смарт часы) тақдим карда мешавад.