Наврӯз ба феҳристи мероси ғайримоддии ҷаҳонии ЮНЕСКО шомил шуд. Тавре сомонаи ЮНЕСКО иттилоъ медиҳад, қарори ворид кардани Наврӯз ба ин феҳрист дар асоси дастҷамъонаи Тоҷикистон ва 11 кишвари дигар 30 ноябри соли равон дар ҷаласаи Кумитаи ҳифзи мероси ғайримоддӣ қабул шудааст. Дар ин кишварҳо Наврӯз ҳар сол 21 март таҷлил мешавад.

"Дар остонаи Наврӯз давоми ду ҳафта маросимҳои анъанавӣ таҷлил мешавад, ғизоҳои махсус омода мешавад, мардум ба хонаҳои ҳамдигар мераванд, варзишҳои вижае баргузор мешавад", - омадааст дар хабари ЮНЕСКО.

Дар ҷаласаи Кумитаи ҳифзи мероси ғайримоддӣ дар назар аст, ки дархости Тоҷикистону Ӯзбекистон дар мавриди ба феҳристи меросими ғайримоддӣ шомил кардани "оши палав" низ баррасӣ шавад.