Носир Саид раиси тозаинтихоби Кумитаи телевизион ва радиои назди Ҳукумати Ҷумҳурии Тоҷикистон дар нишасти хабарии худ имрӯз 27 январ ба саволи хабарнигорон дар мавриди коҳиш ёфтани барномаҳои ҳаҷвӣ посух дод.

Носир Саид аз он нигаронӣ кард, ки барои омода ва пахши барномаҳои ҳаҷвӣ ҳаҷвнигорони касбиро ёфта наметавонанд ва ё бошанд ҳам муроҷиат намекунанд.

Дар идома қайд намуд, ки дар ҳоли ҳозир чанд лоиҳаи ҷадиди ҳаҷвиро омода намуда истодаанд, ки якеаш барномаи ҳаҷвии "Маҳфили зарифон" мебошад, ки солҳои пеш дар телевизиони Тоҷикистон маъруфу машҳур буд.

Бояд қайд кард, ки тайи солҳои охир аз кам будани барномаҳои ҳаҷвӣ дар телевизионҳои давлатӣ фазои ҳаҷви кишварро масхарабозон ва ё ба истилоҳ блогерон тасхир намудаанд.

Яҳё МАҲМАДНАБИЕВ, “ҶТ”