Давоми соли 2023 масъулини Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар кишвар 557 ҳодиса ва ҳолатҳои фавқулодаи табииро ба қайд гирифтааанд, ки аз ин ҳисоб дар 46 ҳодиса ба иқтисоди ҷумҳурӣ ва аҳолӣ зарари калон расидааст.

Ин нуктаро 7 феврал Рустам Назарзода, раиси Кумитаи ҳолатҳои фавқулода ва мудофиаи гражданӣ зимни нишасти матбуотии ниҳодаш зикр кард.

Ба гуфтаи Рустам Назарзода ҳаҷми маблағи зарари расида зиëда аз 76,7 млн. сомониро ташкил дода, бар асари ин ҳаводис 51 нафар ҷон бохтаанд.

- Аз 557 ҳодиса 335 ҳодисаи лағзиши тарма, 79 ҳодисаи омадани сел, 47 заминларза, 26 ҳолати резиши санг дар роҳҳо, 22 ярч, 17 ҳодисаи баланд шудани сатҳи обҳо, 10 ҳодисаи шамоли сахт, 12 ҳодисаи боронҳои шадид, 3 раъду барқ ва 2 ҳодисаи сардии шадид ташкил медиҳанд,- гуфт раиси Кумита.

Гулафшон КАРИМОВА, “ҶТ”