25 октябр тибқи радабандии маҷаллаи маъруфи Forbes дороии Илон Маск ба 270 миллиард доллар расид, ки он ба гароншавии саҳмияҳои ширкати ӯ марбут аст. Дар натиҷа Маск ба сарватмандтарин шахси сайёра дар тамоми давраи ҳисобу китоби маҷаллаи Forbes табдил ёфт.

Айни ҳол сарвати ин тоҷири амрикоӣ, асосгузори ширкатҳои SpaceX ва Tesla 257,6 миллиард доллар баҳогузорӣ шудааст, ки дар ҳисобу китоби маҷаллаи Forbes нишондиҳандаи баландтарин маҳсуб меёбад.

То ин давра шахси сарватмандтарини сайёра Ҷефф Безос, асосгузори ширкати Амазон буд, ки дороияш 212 миллиард долларро ташкил медод.

Ҳанӯз моҳи январ Маск аллакай аз Безос пеш гузашта буд, аммо дар сархати феҳрист ҷо надошт.