ИҚТИСОД
Шанбе 22 Июн 2024 12:02
7766
Палатаи ҳисоби Ҷумҳурии Тоҷикистон ҷиҳати амалӣ намудани мақсадҳои асосии мақоми олии назорати молиявии Ҷумҳурии Тоҷикистон давоми соли 2020 корҳои муайянро ба анҷом расонида, дар натиҷаи чораҳои зарурӣ зарари молиявиро ба ҳисоби 99,0%, аз ҷумла ба буҷет 30,5 млн сомонӣ ва ба корхонаю муассисаҳо 6,1 млн сомонӣ барқарор намуд.

Ин нуктаро 4 январ Чиллазода Қарахон, раиси Палатаи ҳисоб зимни нишасти хабарӣ таъкид намуд. Ӯ дар идомаи суханрониаш иброз намуд, ки дар ин давра Палатаи ҳисоб дар вазорату идораҳо, марказ ва гурӯҳҳои татбиқи лоиҳаҳои сармоягузорӣ, бонкҳо, субъектҳои хоҷагидорӣ ва дигар муассисаҳои буҷетӣ 272 чорабинии аудиторӣ гузаронида, зарари молиявиро ба маблағи 252,3 млн сомонӣ муайян намуд, ки нисбат ба соли қаблӣ шумораи аудитҳо 36 адад кам ва зарари молиявии ошкоргардида ба маблағи 18,2 млн сомонӣ зиёд мебошад.

Инчунин гуфта шуд, ки ҷиҳати бартараф намудани камбудию норасоиҳои молиявӣ ба вазорату идораҳо ва корхонаву муассисаҳо пешниҳодот ирсол шуда, аз баррасии онҳо бо иштироки кормандони палатаи ҳисоб 72 қарору фармон қабул гардид ва барои содир намудани камбудиҳо ба 374 нафар муҷозоти интизомӣ ва модӣ татбиқ шуда, 4 нафар аз вазифа озод карда шуданд.

Исфандиёр АМАКҶОНОВ, “ҶТ”

Эзоҳи худро нависед



Рамзҳо дар расм