ИҚТИСОД
Якшанбе 11 Апрел 2021 09:15
1715
Имрӯз, 14 октябр  дар Муассисаи давлатии Китобхонаи милии Тоҷикистон Форуми байналмилалии соҳибкорони Душанбе-2016 таҳти унвони  “Рушди истеҳсоли миллӣ-имконияти нави сармоягузорӣ” дар доираи таҷлили “Рӯзи соҳибкорон” баргузор гардид.

Дар форум зиёда 400 нафар аз 30 кишвари ҷаҳон иштирок доштанд.

Аз ҷумла намояндагони воломақоми Ҳукумати Тоҷикистон, кишварҳои ҳамшарик, роҳбарони созмонҳои байналмилалии молиявӣ, соҳибкорону сармоягузорони ватанию хориҷӣ, намояндагони бонкҳо, ассотсиатсияҳои соҳибкорӣ, олимону коршиносони варзида ширкад карданд.

Форумро Сарвазири кишвар, муҳтарам Қоҳир Расулзода ифтитоҳ намуда, бо маърӯзаи муфассал баромад намуд.

Ҳамчунин дар маросими ифтитоҳи Форум намояндагони воломақоми кишварҳои хориҷӣ, созмонҳои байналмилалии молиявӣ ва сармоягузорони хориҷӣ, аз ҷумла Шоҳзодаи Арбаистони Саудӣ Олиҷаноб Абдулазаз бин Файсал бин Абдулмаҷид бин Абдулазизи Оли Сауд, Директори минтақавии Бонки Аврупоии Таҷдид ва Рушд оид ба кишварҳои Осиёи Марказӣ ҷаноби Маккейн Нейл, Роҳбари минтақавии Корпоратсияи байналмилалии молиявии Гурӯҳи Бонки ҷаҳонӣ оид бателекоммуникатсия Раҷендра Синх, Президенти ширакати “Глинкор Интернешнл” Айван Глазенберг ва дигарон суханронӣ намуданд.

Пас аз бахши асосӣ, кори Форум дар толорҳои Китобхонаи миллӣ дар бахшҳои алоҳида сурат гирифта, масъалаҳои мубрами рушди соҳибкорӣ ва сармоягузорӣ баррасӣ шуданд.

Дар Форум ширкатҳои бонуфуз, аз қабили ширкати “Гилнкор Интернешнл”-и Шветсария, ширкати ҳавопаймоии “Қатарэйрвейс”-и Давлати Қатар, ширкати “Айробус”-и Фаронса, ширкати саноати куҳии Тоҷикистону Хитой, ширкати “Кока-кола”, ширкати “Винчи”-и Фаронса ва дигарҳо иштирок намуданд.

Соли сеюм аст, ки Форуми мазкур таҳти сапарастӣ ва дастгирии Президенти кишвар муҳтарам Эмомалӣ Раҳмон гузаронида мешавад.

Ҳадафи ҳамоиши мазкур муаррифии имкониятҳои нави сармоягузории Тоҷикистон, рушди соҳибкории истеҳсолӣ ва саноати коркарди ашёи хоми ватанӣ, мувофиқа намудани имкониятҳои ҳамкориҳои нави минтақавӣ, истифодаи самараноки “Шоҳроҳи абрешим”, зиёд намудани истеҳсоли маҳсулоти ватанӣ бо истифодаи технологияи муосир, дар маҷмуъ мубодилаи афкор вобаста ба густариши робитаҳои иқтисодию сармоягузорӣ, таҷрибаи пешқадами байналмилалӣ ва тақвияти ҳамгироии минбаъдаи Тоҷикистон ба иқтисодиёти ҷаҳон мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.