Имрӯз - 11 феврал зимни нишасти матбуотии Вазорати саноат ва технологияҳои нави Ҷумҳурии Тоҷикистон гуфта шуд, ки ба ҳолати 1 январи соли 2026 дар ҷумҳурӣ 3 ҳазору 972 корхонаи саноатӣ бо 92 ҳазору 927 ҷойи корӣ ба қайд гирифта шудааст, ки нисбат ба соли пешина 198 корхона зиёд мебошад.

Ба иттилои Шералӣ Кабир, вазири саноат ва технологияҳои нав дар ин давра дар қаламрави кишвар 396 корхонаи нави саноатӣ бо таъсиси 13 ҳазору 113 ҷойи корӣ сохта ба истифода дода шуд.

Зикр гардид, ки аз ин шумора дар ВМКБ 54 корхона бо 157 ҷойи корӣ, вилояти Суғд 144 корхона бо 847 ҷойи корӣ, вилояти Хатлон 85 корхона бо 700 ҷойи корӣ, НТҶ 50 корхона бо 290 ҷойи корӣ ва шаҳри Душанбе 63 корхона бо 428 ҷойи корӣ ифтитоҳ гардида, аз ҳисоби корхонаҳои нав дар ҳамин давра зиёда аз 198,75 млн сомонӣ маҳсулот истеҳсол карда шуд.

Ҳамзамон, дар ҷараёни нишаст қайд гардид, ки дар соли 2025 фаъолияти 63 корхонаи нав - дар соҳаи мошинсозӣ 9 корхона, соҳаи масолеҳи сохтмон 14 корхона, соҳаи саноати сабук ва пилла 10 корхона, соҳаи саноати хӯрокворӣ 26 корхона, соҳаи маъданҳои кӯҳӣ ва металлҳои қиматбаҳо 3 корхона ва соҳаи саноати ангишт 1 корхона ба роҳ монда шуд.

Гулафшон КАРИМОВА, “ҶТ”