Дар арафаи соли нави мелодии 2023 аз 21 то 31 декабри соли равон дар чор ноҳияи шаҳри Душанбе ярмаркаи фурӯши маҳсулоти ниёзи аввал ташкил карда мешавад.

Дар ин бора қарори дахлдори Раиси шаҳри Душанбе муҳтарам Рустами Эмомалӣ ба тасвиб расида, иқдом бо мақсади фаровонии бозори истеъмолӣ ва ғанигардонии дастурхони сокинону меҳмонони пойтахт гирифта шудааст.

Тавре масъулини Раёсати рушди иқтисод ва савдои Мақомоти иҷроияи ҳокимияти давлатии шаҳри Душанбе иттилоъ доданд, ярмаркаи фурӯши маҳсулоти мавриди ниёзи аввал дар КВД “Бозори Меҳргон”-и ноҳияи Исмоили Сомонӣ, буриши кӯчаҳои Ҳусейнзода ва Мирзо Турсунзодаи ноҳияи Шоҳмансур (назди Кумитаи сохтмон ва меъмории назди Ҳукумати Ҷумҳурии Тоҷикистон), майдончаи назди бозори “Қарияи боло”-и ноҳияи Сино ва майдончаи назди КВД “Бозори Саховат”-и ноҳияи Фирдавсӣ ташкил ва баргузор хоҳад шуд.

Таҳмина ЮСУФӢ, “ҶТ”