Ҷумъахон Давлатов, директори Агентии хизматии давлатии назди Президенти Ҷумҳурии Тоҷикистон 2 август зимни нишасти матбуотӣ дар мавриди кору фаъолият накардани занон дар ҷамоатҳои ноҳияҳо гуфт:

-Таҳлилҳо нишон медиҳанд, ки қариб дар 3 ва ё 4 ноҳия умуман дар ҷамоатҳо занон кор намекунанд. Аз ҷумла, дар ноҳияи Деваштич, Сангвор, Лахш ва зиёда аз 100 ҷамоат муайян карда шудааст, ки умуман дар онҳо занҳо фаъолият намекунанд.

Номбурда дар идома қайд кард, ки бо мақсади иҷроиши фармони Роҳбари мамлакат, ки таъкид карда буданд, то яке аз вазифаҳои роҳбарикунанда бояд аз ҳисоби занҳо бошад, аллакай дар ноҳияи Лахш 1 нафар зан дар ҷамоат ба кор қабул карда шудааст. Бо мақсади ҳарчи зудтар бартараф шудани ин мушкилӣ раванди ба кор қабул кардани занҳо боз ҳам идома пайдо хоҳад кард.

Зуҳро РИЗОЗОДА, “ҶТ”