Ба таъкиди Каримзода Хуршед Абдураҳмон, сардори Хадамоти гумруки назди Ҳукумати Ҷумҳурии Тоҷикистон дар натиҷаи гузаронидани аттестатсияи давлатии кормандони Хадамоти гумрук 118 нафар корманди хадамот аз кор озод карда шудааст.

Ин нукта имрӯз зимни нишасти хабарии Хадамоти гумрук баён гардид.

Ба гуфти масъулин аттестатсияи давлатии кормандони Хадамоти гумрук то имрӯз ғайр аз дастгоҳи марказии хадамот дигар дар тамоми раёсатҳои он дар минтақаҳои кишвар гузаронида шудааст.

Дар идомаи шарҳи масъалаи аттестатсияи давлатии кормандони Хадамоти гумруки назди Ҳукумати кишвар гуфта шуд, дар баробари аз кор озод намудани 118 корманд дар натиҷаи аттестатсияи давлатӣ, инчунин 36 нафар корманди хадамот аз вазифаҳои ишғолнамудаашон ба вазифаҳои пасттар гузаронида шудаанд.