Дар ҷамоати деҳоти “Шурообод”-и ноҳияи Шамсиддини Шоҳини вилояти Хатлон коргоҳи хурди адрасу атласбофӣ ба кор шуруъ кард.

Тавре аз мақомоти иҷроияи ҳокимияти давлатии ноҳия иттилоъ доданд, ҳадафи таъсиси корхона эҳёи ҳунари бостонии бофандагӣ ва соҳибкасб гардонидани занҳои хонанишин аст.
Ба иттилои манбаъ, дар айни замон 5 нафар занон бо кор таъмин шуда, дар як рӯз истеҳсоли то 30 метр атласу адрасро ба роҳ мондаанд.

Робиямоҳ Набиева, роҳбари корхонаи мазкур гуфт, ки “Корхона аллакай 5 нафар занону бонувони маҳаллиро ба курсҳои омӯзишӣ фаро гирифтааст, ки онҳо нозукиҳои касби атласу адрасбофиро аз худ намуда, баъди хатми курсҳои омӯзишӣ бо ҷои кори доимӣ таъмин хоҳанд шуд”.

 Умед Мирзоев, “ҶТ”