Раҳмон Холмуродзода, раиси Агентии беҳдошти замин ва обёрӣ имрӯз зимни нишасти матбуотӣ аз афзоиш ёфтани қарздорӣ аз ҳисоби ҳаққи хизмати обрасонӣ изҳори нигаронӣ кард.

Дар робита ба масъалаи мазкур иброз дошт, ки пурра напардохтани ҳаққи хизмати обрасонӣ бештар аз ҷониби хоҷагиҳои кишоварзӣ ба амал меояд, ки бақияи қарздорӣ ба ҳолати 1-уми июл 168,28 млн. сомониро ташкил додааст.

Ӯ гуфт, бо ин мақсад ба мақомоти Суди иқтисодӣ ва Прокуратура ба маблағи 28,4 млн. сомонӣ ҳуҷҷат ва аризаҳои даъвогӣ пешниҳод гардидааст, ки аз ин 9,0 млн. сомонӣ рӯёнида шуда, боқимонда 19,4 млн. сомонӣ мавриди баррасӣ қарор дорад.