ҶОМЕА
Якшанбе 26 Май 2024 08:01
2087
Тибқи ҷадвали баргузории вохӯрии якҷояи масъулини шуъбаи маъмурию ҳуқуқии дастгоҳи раиси вилояти Суғд, комиссияи ҷамъиятӣ оид ба пешгирии коррупсияи вилоят, дар бобати паст намудани сатҳи коррупсия дар шаҳру ноҳияҳои вилоят дар толори мақомоти иҷроияи ҳокимияти давлатии шаҳри Бӯстон бо қишрҳои гуногуни аҳолӣ, роҳбарон ва намояндагони муассисаҳои хизматрасонӣ, раисон ва фаъолони маҳал мулоқот доир гардид.

Муовини раиси шаҳр Киромуддин Мухторзода оид ба моҳияти баргузории мулоқот дар шаҳру навоҳии вилоят ва раванди татбиқи «Стратегияи муқовимат бо коррупсия дар Ҷумҳурии Тоҷикистон барои солҳои 2013-2020» ибрози назар намуд.

Баъдан дар мавзӯи «Иштироки фаъоли ҷомеаи шаҳрвандӣ дар самти паст намудани сатҳи коррупсия – талаботи Стратегиряи муқовимат бо коррупсия» ва дигар масоил сармутахассиси шуъбаи маъмурию ҳуқуқии дастгоҳи раиси вилояти Суғд Темур Тӯйчизода, муовини раиси комиссияи ҷамъиятӣ оид ба пешгирии коррупсия дар вилояти Суғд Музаффар Бобоҷонов суханронӣ намуданд.

Зикр гардид, ки моро зарур аст, то ҷиҳати муборизаи дастаҷамъона бо амалҳои коррупсионӣ ва дар маҷмуъ даъват намудани аҳолӣ ба пешгирии ҳар гуна омилҳои номатлуб тадбирҳои назаррас андешем.

Эзоҳи худро нависед



Рамзҳо дар расм