ВАРЗИШ
Якшанбе 28 Апрел 2024 03:33
3 ноябар дар Кумитаи кор бо ҷавонон ва варзиши назди Ҳукумати ҷумҳурӣ доир ба масъалаи “Дар бораи тасдиқи намудҳои варзише, ки дар муассисаҳои варзишӣ оид ба онҳо ташкил намудани гурӯҳҳо манъ мебошанд” мизи мудаввар баргузор шуд.
Дар мизи мудаввар 9 намуди варзиш: бокси касбӣ, греплинг, зӯрозмоиҳои универсалӣ, К-1, муҳорибаҳои омехта (ММА, UFС, MIXFIGHT), муҳорибаи ҷанги дастӣ, муқовимати кулл ва касбии ҷанги дастӣ, ню-фулл контакт ва панкратион, ки минбаъд ташкили гурӯҳҳо аз рӯи ин намудҳо дар муассисаҳои варзишии давлатие, ки аз буҷаи давлатӣ маблағгузорӣ мегарданд қатъ гардид, мавриди баррасӣ қарор гирифт.
Ризо Назарзода, муовини якуми раиси Кумитаи кор бо ҷавонон ва варзиш, зимни суҳбат иброз дошт, ки Кумита лоиҳаи фармоишро дар бораи тасдиқи намудҳои варзишие, ки дар муассисаҳои варзишӣ аз рӯи ин намудҳо ташкил намудани гурӯҳҳо манъ мебошад, ба саҳми омма расонида буд, вале масъалаи мазкур дар аксар расонаҳо нодуруст ба мардум фаҳмонида шуд. “Таъкид менамоям, ки Кумитаи кор бо ҷавонон ва варзиш ҳамчун мақомоти ваколатдори давлатӣ, дар тадбиқи сиёсати давлатии тарбияи ҷисмонӣ ва инкишофи варзиш вобаста ба тасмими таҳияи лоиҳаи фармоиш “Дар бораи тасдиқи намудҳои варзише, ки дар муассисаҳои варзишӣ оид ба онҳо ташкил намудани гурӯҳҳо манъ мебошанд”, маълум менамояд, ки санади мазкур фаъолияти ин намудҳоро дар қаламрави кишвар пурра манъ намекунад, зеро он танҳо барои муассисаҳои варзишии давлатие, ки аз буҷаи давлатӣ маблағгузорӣ мегарданд, нигаронида шудааст”,- афзуд Ризо Назарзода.
Дилшод Назаров, муовини раиси Кумитаи кор бо ҷавонон ва варзиш, дар ин робита иброз дошт, ки Кумита тасмим гирифтааст он намудҳои варзише, ки фаъолияташон дар мактабҳои варзишии давлатии кишвар қатъ гардидааст, маблағи онҳо тибқи низомномаи мактабҳои варзишӣ аз ин пас 70 фисад ба намудҳои олимпӣ, 15 фисад ба намудҳои ғайриолимпӣ ва 15 фисади дигараш ба намудҳои миллӣ гузаронида мешаванд.
Таъкид гардид, ки то имрӯз барои фаъолияти ин 9 намуди варзиш аз ҳисоби федератсияҳо, ташкилотҳо ва клубҳои варзишӣ дар кишвар бо баргузории мусобиқаҳои сатҳи минтақавӣ, ҷумҳуриявӣ ва байналмилалӣ аз ҷониби Ҳукумат ва мақомоти марбута ягон монеа эҷод нагардидааст. Тасмими мазкур маҳз ба хотири пешгирӣ аз расонидани зарари ҷисмонӣ ва маънавӣ ба кӯдакону наврасон, роҳ додан ба зуроварӣ ва истифодаи дигар усулҳои хатарнок нигаронида шудааст ва фаъолияти минбаъдаи онҳоро дар заминаи мактабҳои варзишии давлатӣ манъ менамоянд.
Дар ин мизи мудаввар ба хотири исботи гуфтаҳо филми мустанад, ки дар он зарари машғул шудан ба чунин муҳорибаҳоро аз ҷиҳати тиббӣ муайян мекунад, намоиш дода шуд. Зулфия Абдураҳмонова, намояндаи Вазорати тандурустӣ ва ҳифзи иҷтимии аҳолии кишвар, зимни намоиши филм пешниҳод намуд, ки фаъолияти ин намудҳои варзиш, ки ба солимии ҷомеа ва наврасони мо зарари ҷиддӣ мерасонаду дар оянда онҳоро маъюб мегардонад, натанҳо дар муассисаҳои давлатӣ, балки дар саросари ҷумҳурӣ қатъ карда шавад: “Имрӯзҳо ба ин намудҳо бештар наврасон майл доранд ва ин барои ояндаи миллат зарари калон дорад. Дар синну соли наврасӣ бояд кӯдак ба варзише машғул шавад, ки барои инкишофи ҷисмонии ӯ кӯмак расонад ва наврасро дар руҳияи дӯстию бародарӣ тарбия карда тавонад. Имрӯзҳо миёни кӯдакони мо мушкилоти лоғарӣ, фарбеҳӣ, қадпастӣ ва дигар бемориҳо вуҷуд дорад. Болои ин бемориҳо боз кӯдаконро ба чунин варзишҳое гузорем, ки хусусияти зуроварӣ доранду ҳар лаҳза имкони зарб хурдану лат бардоштанро дорад, ояндаи миллат чӣ мешавад ва чи гуна метавонем миллати аз ҷиҳати ҷисмонӣ солимро ба воя расонем? Хуб мешуд, ки фаъолияти ин намудҳои варзиш натанҳо дар муассисаҳои давлатӣ, балки дар тамоми муассисаҳои қаламрави ҷумҳурӣ ба танзим дароварда шавад”.
Носир Бозор, сардори Раёсати тарбияи ҷисмонӣ ва рушди варзиши Кумитаи кор бо ҷавонон ва варзиши назди Ҳукумати кишвар тавре гуфт, “Дар аксари мактабҳои варзишӣ шумораи намудҳои ғайриолимпӣ аз варзишҳое, ки вориди Бозиҳои олимпиаанд, хеле зиёд аст. Ин боиси он гардидааст, ки аксар наврасони мо шефтаи варзишҳои якҳарбаҳои шарқӣ шуда, ба намудҳои варзиши миллию олимпӣ камтар таваҷҷуҳ намоянд. Дар баробари ин, баъди ба ин намудҳои варзиш машғул шудан онҳо саломатии худро аз даст медиҳанд ва аксари онҳо ноқисулақл ба воя мерасанд”. Мавзуна Чориева, ҷоизадори Бозиҳои олимпии Лондон-2012 дар ин робита иброз дошт: “Дар баробари он ки ин намудҳо дар мактабҳои варзишии давлатӣ баста мешаванд, мо бояд кори мураббиёне, ки дар клубҳои шахсӣ аз ин намудҳо тамрин медиҳанд, назорат кунем. Зеро имрӯз теъдоди мураббиёне, ки мактаби мураббигиро нагузаштаанд, зиёд шудааст. Ҳамаи онҳо ҷавонону наврасонро дар таҳхонаву клубҳои варзишӣ, ки ба талаботи имрӯза ҷавобгӯ нестанд, ҷамъ намуда ба онҳо дарси муштзаниро меомӯзанд. Мушт задан низ қоидаҳои махсус дорад. Дар ҳоли нагирифтани сади роҳи чунин мураббиён, мо наметавонем варзишгари солим ба воя расонему ҷомеаро ба воситаи варзиш солим гардонем”.
Нурулло Лоиқов, раиси Федератсияи дзюдои Тоҷикистон дар робита ба филми мустанад иброз дошт, ки “Тариқи навор дидем, ки оқибати ба ин намудҳои варзиш машғул шудан ба чӣ оварда мерасонад. Волидайне, ки ақли солим доранд, ҳеҷ гоҳ фарзандашро ба ин намудҳои варзиш ҷалб намекунад. Моро зарур аст, ки имрӯз мақоми варзишҳои миллию олимпиро бештар баланд бардорем. Ман розиям, ки мақоми гӯштини миллиро аз намудҳои олимпӣ ҳам боло бардорем, зеро он паҳлавоне, ки дар гӯштини миллӣ ба воя мерасад, 50 фисад барои дигар намудҳои гӯштин омода аст. Мо бояд як базаи калони гӯштини миллиро ташкил диҳем. Дар ҳоли ташкил шудани чунин база дигар намудҳои гӯштин ҳам метавонанд чеҳраҳои худро аз миёни наврасоне, ки ба гӯштини миллӣ машғуланд, пайдо кунанд”.
Маҳмадовуд Одинаев, сармураббии гӯштини миллӣ, тавре изҳор намуд, “тибқи оморе, ки намояндаи Вазорати тандурустӣ ва ҳифзи иҷтимоии аҳолӣ пешниҳод намуд, 816 нафар дар натиҷаи чунин латхӯриҳо маъюб гардидаанд. Сабаби асосии ин дар он аст, ки мураббиёни онҳо мутахассис нестанд. Онҳо аз кӯчаи варзиш нагузаштаанд. Онҳо дар хориҷа муштзанӣ мекунанду ба қавли худашон, бо пояс (камарбанд) бармегарданду мактаби худро ташкил мекунанд ва аксари онҳо бештар наврасони оворагардро ҷамъ мекунанд, ки бо якдигар муштзанӣ кунанд. Мақсади он ҷавонон низ ба хотири дар кӯча обру пайдо кардану як нафаро мушт задан аст. Хуб мешуд, ки аз ин намудҳо дида гӯштини миллиро миёни ҷавонон тарғиб кунем”. Шодӣ Баҳромов, ноиби президенти Федератсияи гӯштини тарзи озод иброз медорад, ки “пеш аз ҳама роҳҳои таблиғи ин намудҳои варзишро маҳдуд кардан лозим аст. Зеро онҳо ба воситаи таблиғ тавонистанд, дар зудтарин фурсат диққати наврасону ҷавонони моро ҷалб кунанд. Сари ҳар қадам дар кӯчаҳо мо бо таблиғоти онҳо во мехӯрем. Ҷавонони мо аз сару либоспӯшии онҳо саркарда, то ҳама усулҳое, ки онҳоро ба ноқисулақлӣ оварда расонидааст, пайравӣ мекунанд. Ман бисёр мехостам, ки намудҳои олимпию миллиро бештар тарғиб намуда, мавқеи ин намудҳоро, ки хусусияти зуроварӣ доранд, дар миёни насли наврас маҳдуд кунем. Ин ба манфиати кор хоҳад буд”.
Ҳамин тариқ, лоиҳаи фармоиш “Дар бораи тасдиқи намудҳои варзише, ки дар муассисаҳои варзишӣ оид ба онҳо ташкил намудани гурӯҳҳо манъ мебошанд” пас аз баррасӣ ва шунидани фикру мулоҳизаҳои мутахассисону варзишгарон имзо шудааст ва тибқи он ташкили гурӯҳҳо аз рӯи 9 намуди варзиш: бокси касбӣ, греплинг, зӯрозмоиҳои универсалӣ, К-1, муҳорибаҳои омехта (ММА, UFС, MIXFIGHT), муҳорибаи ҷанги дастӣ, муқовимати кулл ва касбии ҷанги дастӣ, ню-фулл контакт ва панкратион дар муассисаҳои варзишии давлатӣ манъ шуд.
Дар мизи мудаввар 9 намуди варзиш: бокси касбӣ, греплинг, зӯрозмоиҳои универсалӣ, К-1, муҳорибаҳои омехта (ММА, UFС, MIXFIGHT), муҳорибаи ҷанги дастӣ, муқовимати кулл ва касбии ҷанги дастӣ, ню-фулл контакт ва панкратион, ки минбаъд ташкили гурӯҳҳо аз рӯи ин намудҳо дар муассисаҳои варзишии давлатие, ки аз буҷаи давлатӣ маблағгузорӣ мегарданд қатъ гардид, мавриди баррасӣ қарор гирифт.
Ризо Назарзода, муовини якуми раиси Кумитаи кор бо ҷавонон ва варзиш, зимни суҳбат иброз дошт, ки Кумита лоиҳаи фармоишро дар бораи тасдиқи намудҳои варзишие, ки дар муассисаҳои варзишӣ аз рӯи ин намудҳо ташкил намудани гурӯҳҳо манъ мебошад, ба саҳми омма расонида буд, вале масъалаи мазкур дар аксар расонаҳо нодуруст ба мардум фаҳмонида шуд. “Таъкид менамоям, ки Кумитаи кор бо ҷавонон ва варзиш ҳамчун мақомоти ваколатдори давлатӣ, дар тадбиқи сиёсати давлатии тарбияи ҷисмонӣ ва инкишофи варзиш вобаста ба тасмими таҳияи лоиҳаи фармоиш “Дар бораи тасдиқи намудҳои варзише, ки дар муассисаҳои варзишӣ оид ба онҳо ташкил намудани гурӯҳҳо манъ мебошанд”, маълум менамояд, ки санади мазкур фаъолияти ин намудҳоро дар қаламрави кишвар пурра манъ намекунад, зеро он танҳо барои муассисаҳои варзишии давлатие, ки аз буҷаи давлатӣ маблағгузорӣ мегарданд, нигаронида шудааст”,- афзуд Ризо Назарзода.
Дилшод Назаров, муовини раиси Кумитаи кор бо ҷавонон ва варзиш, дар ин робита иброз дошт, ки Кумита тасмим гирифтааст он намудҳои варзише, ки фаъолияташон дар мактабҳои варзишии давлатии кишвар қатъ гардидааст, маблағи онҳо тибқи низомномаи мактабҳои варзишӣ аз ин пас 70 фисад ба намудҳои олимпӣ, 15 фисад ба намудҳои ғайриолимпӣ ва 15 фисади дигараш ба намудҳои миллӣ гузаронида мешаванд.
Таъкид гардид, ки то имрӯз барои фаъолияти ин 9 намуди варзиш аз ҳисоби федератсияҳо, ташкилотҳо ва клубҳои варзишӣ дар кишвар бо баргузории мусобиқаҳои сатҳи минтақавӣ, ҷумҳуриявӣ ва байналмилалӣ аз ҷониби Ҳукумат ва мақомоти марбута ягон монеа эҷод нагардидааст. Тасмими мазкур маҳз ба хотири пешгирӣ аз расонидани зарари ҷисмонӣ ва маънавӣ ба кӯдакону наврасон, роҳ додан ба зуроварӣ ва истифодаи дигар усулҳои хатарнок нигаронида шудааст ва фаъолияти минбаъдаи онҳоро дар заминаи мактабҳои варзишии давлатӣ манъ менамоянд.
Дар ин мизи мудаввар ба хотири исботи гуфтаҳо филми мустанад, ки дар он зарари машғул шудан ба чунин муҳорибаҳоро аз ҷиҳати тиббӣ муайян мекунад, намоиш дода шуд. Зулфия Абдураҳмонова, намояндаи Вазорати тандурустӣ ва ҳифзи иҷтимии аҳолии кишвар, зимни намоиши филм пешниҳод намуд, ки фаъолияти ин намудҳои варзиш, ки ба солимии ҷомеа ва наврасони мо зарари ҷиддӣ мерасонаду дар оянда онҳоро маъюб мегардонад, натанҳо дар муассисаҳои давлатӣ, балки дар саросари ҷумҳурӣ қатъ карда шавад: “Имрӯзҳо ба ин намудҳо бештар наврасон майл доранд ва ин барои ояндаи миллат зарари калон дорад. Дар синну соли наврасӣ бояд кӯдак ба варзише машғул шавад, ки барои инкишофи ҷисмонии ӯ кӯмак расонад ва наврасро дар руҳияи дӯстию бародарӣ тарбия карда тавонад. Имрӯзҳо миёни кӯдакони мо мушкилоти лоғарӣ, фарбеҳӣ, қадпастӣ ва дигар бемориҳо вуҷуд дорад. Болои ин бемориҳо боз кӯдаконро ба чунин варзишҳое гузорем, ки хусусияти зуроварӣ доранду ҳар лаҳза имкони зарб хурдану лат бардоштанро дорад, ояндаи миллат чӣ мешавад ва чи гуна метавонем миллати аз ҷиҳати ҷисмонӣ солимро ба воя расонем? Хуб мешуд, ки фаъолияти ин намудҳои варзиш натанҳо дар муассисаҳои давлатӣ, балки дар тамоми муассисаҳои қаламрави ҷумҳурӣ ба танзим дароварда шавад”.
Носир Бозор, сардори Раёсати тарбияи ҷисмонӣ ва рушди варзиши Кумитаи кор бо ҷавонон ва варзиши назди Ҳукумати кишвар тавре гуфт, “Дар аксари мактабҳои варзишӣ шумораи намудҳои ғайриолимпӣ аз варзишҳое, ки вориди Бозиҳои олимпиаанд, хеле зиёд аст. Ин боиси он гардидааст, ки аксар наврасони мо шефтаи варзишҳои якҳарбаҳои шарқӣ шуда, ба намудҳои варзиши миллию олимпӣ камтар таваҷҷуҳ намоянд. Дар баробари ин, баъди ба ин намудҳои варзиш машғул шудан онҳо саломатии худро аз даст медиҳанд ва аксари онҳо ноқисулақл ба воя мерасанд”. Мавзуна Чориева, ҷоизадори Бозиҳои олимпии Лондон-2012 дар ин робита иброз дошт: “Дар баробари он ки ин намудҳо дар мактабҳои варзишии давлатӣ баста мешаванд, мо бояд кори мураббиёне, ки дар клубҳои шахсӣ аз ин намудҳо тамрин медиҳанд, назорат кунем. Зеро имрӯз теъдоди мураббиёне, ки мактаби мураббигиро нагузаштаанд, зиёд шудааст. Ҳамаи онҳо ҷавонону наврасонро дар таҳхонаву клубҳои варзишӣ, ки ба талаботи имрӯза ҷавобгӯ нестанд, ҷамъ намуда ба онҳо дарси муштзаниро меомӯзанд. Мушт задан низ қоидаҳои махсус дорад. Дар ҳоли нагирифтани сади роҳи чунин мураббиён, мо наметавонем варзишгари солим ба воя расонему ҷомеаро ба воситаи варзиш солим гардонем”.
Нурулло Лоиқов, раиси Федератсияи дзюдои Тоҷикистон дар робита ба филми мустанад иброз дошт, ки “Тариқи навор дидем, ки оқибати ба ин намудҳои варзиш машғул шудан ба чӣ оварда мерасонад. Волидайне, ки ақли солим доранд, ҳеҷ гоҳ фарзандашро ба ин намудҳои варзиш ҷалб намекунад. Моро зарур аст, ки имрӯз мақоми варзишҳои миллию олимпиро бештар баланд бардорем. Ман розиям, ки мақоми гӯштини миллиро аз намудҳои олимпӣ ҳам боло бардорем, зеро он паҳлавоне, ки дар гӯштини миллӣ ба воя мерасад, 50 фисад барои дигар намудҳои гӯштин омода аст. Мо бояд як базаи калони гӯштини миллиро ташкил диҳем. Дар ҳоли ташкил шудани чунин база дигар намудҳои гӯштин ҳам метавонанд чеҳраҳои худро аз миёни наврасоне, ки ба гӯштини миллӣ машғуланд, пайдо кунанд”.
Маҳмадовуд Одинаев, сармураббии гӯштини миллӣ, тавре изҳор намуд, “тибқи оморе, ки намояндаи Вазорати тандурустӣ ва ҳифзи иҷтимоии аҳолӣ пешниҳод намуд, 816 нафар дар натиҷаи чунин латхӯриҳо маъюб гардидаанд. Сабаби асосии ин дар он аст, ки мураббиёни онҳо мутахассис нестанд. Онҳо аз кӯчаи варзиш нагузаштаанд. Онҳо дар хориҷа муштзанӣ мекунанду ба қавли худашон, бо пояс (камарбанд) бармегарданду мактаби худро ташкил мекунанд ва аксари онҳо бештар наврасони оворагардро ҷамъ мекунанд, ки бо якдигар муштзанӣ кунанд. Мақсади он ҷавонон низ ба хотири дар кӯча обру пайдо кардану як нафаро мушт задан аст. Хуб мешуд, ки аз ин намудҳо дида гӯштини миллиро миёни ҷавонон тарғиб кунем”. Шодӣ Баҳромов, ноиби президенти Федератсияи гӯштини тарзи озод иброз медорад, ки “пеш аз ҳама роҳҳои таблиғи ин намудҳои варзишро маҳдуд кардан лозим аст. Зеро онҳо ба воситаи таблиғ тавонистанд, дар зудтарин фурсат диққати наврасону ҷавонони моро ҷалб кунанд. Сари ҳар қадам дар кӯчаҳо мо бо таблиғоти онҳо во мехӯрем. Ҷавонони мо аз сару либоспӯшии онҳо саркарда, то ҳама усулҳое, ки онҳоро ба ноқисулақлӣ оварда расонидааст, пайравӣ мекунанд. Ман бисёр мехостам, ки намудҳои олимпию миллиро бештар тарғиб намуда, мавқеи ин намудҳоро, ки хусусияти зуроварӣ доранд, дар миёни насли наврас маҳдуд кунем. Ин ба манфиати кор хоҳад буд”.
Ҳамин тариқ, лоиҳаи фармоиш “Дар бораи тасдиқи намудҳои варзише, ки дар муассисаҳои варзишӣ оид ба онҳо ташкил намудани гурӯҳҳо манъ мебошанд” пас аз баррасӣ ва шунидани фикру мулоҳизаҳои мутахассисону варзишгарон имзо шудааст ва тибқи он ташкили гурӯҳҳо аз рӯи 9 намуди варзиш: бокси касбӣ, греплинг, зӯрозмоиҳои универсалӣ, К-1, муҳорибаҳои омехта (ММА, UFС, MIXFIGHT), муҳорибаи ҷанги дастӣ, муқовимати кулл ва касбии ҷанги дастӣ, ню-фулл контакт ва панкратион дар муассисаҳои варзишии давлатӣ манъ шуд.
Хабарҳои дигар
Рӯзнома
Эзоҳи худро нависед