ВАРЗИШ
Душанбе 17 Феврал 2020 11:20
6854
Раҳмонзода Абдулло Қурбоналӣ, раиси Кумитаи кор бо ҷавонон ва варзиши назди Ҳукумати кишвар, саннаи 10 феврал зимни нишасти хабарӣ ба хабарнигорон иттилоъ дод, ки имрӯзҳо таваҷҷуҳи ҷавонону наврасон ба варзиш афзуда, тавре аз маълумотҳои оморӣ бармеояд, ҳудуди 2 миллион ҷавону навраси кишвар ба варзиш майл доранд. Ӯ ин рақамро ба он асоснок мекунад, ки дар чорабиниҳои баргузоркардаи КҶВ дар соли сипаришуда, ҳудуди 2 миллион наврасу ҷавон иштирок варзидаанд.

Тавре раиси Кумита иброз доштанд, ба хотири оммавигардонии варзиш ва ҷалб кардани наврасону ҷавонон ба намудҳои гуногуни варзиш дар соли ҷорӣ зиёда аз 4565 чорабиниҳо ва мусобиқаҳои гуногуни варзишӣ аз қабили чемпионатҳои Ҷумҳурии Тоҷикистон, мусобиқаҳои ҷумҳуриявӣ, мусобиқаҳои интихобии вилоятӣ, минтақавӣ ва шаҳриву ноҳиявӣ баргузор кардаанд, ки дар онҳо шумораи зиёди варзишгарони касбиву варзишдӯстдорон иштирок ва қувваозмоӣ кардаанд. Шумораи умумии чорабиниҳои варзишии доиркардаи Кумита ба 10386 адад мерасад, ки дар онҳо қариб 2 миллион наврасону ҷавонон ва аҳолии кишвар ҷалб шудаанд, ки аз онҳо ҳудуди 25 фиссадашонро занону бонувон ташкил медиҳанд.

Дар самти варзиш ва солимгардонӣ Кумитаи кор бо ҷавонон ва варзиш дар соли сипаригардида, аз корҳои сохтмониву барқарорсозии иншоотҳои варзишӣ то сафарбаркунии варзишгарон ба мусобиқаҳои сатҳи дохилӣ ва минтақавию байналмилалӣ, инчунин оммавигардонии варзиш ва ҷалби аҳолӣ ба тарбияи ҷисмонӣ як қатор корҳоро ба сомон расонида, чораҳои зиёде андешидааст. Аз ҷумла, дар ҳамин давра дар шаҳру навоҳии кишвар 358 иншооти гуногуни варзишӣ, аз ҷумла 2 варзишгоҳ, 310 майдонча, 41 толор, 4 ҳавзи шиноварӣ ва 1 маҷмааи варзишӣ сохта ба истифода дода шудааст. Бо шумули иншоотҳои дар ин давра сохта шуда, шумораи умумии иншоотҳои варзишии кишвар ба 10065 адад расида, дар онҳо имкон аст, ҷавонони зиёде ба тамрин ҷалб карда шаванд. Дар мактабҳои варзишӣ дар ин давра дар 3989 гурӯҳҳо ҳудуди 48 ҳазор таълимгиранда, ба машқу тамрин фаро гирифта шудаанд.

Инчунин бояд тазаккур дод, ки дар самти сафарбарии варзишгарон ба мусобиқоти сатҳи байналмилалӣ Кумита кӯшишҳои зиёде ба харҷ додааст.

- Бо мақсади муаррифии варзиши тоҷик варзишгарони ҳайати дастаи мунтахаби кишвар дар давраи ҳисоботӣ ба мусобиқаҳои сатҳи байналмилалӣ 917 нафар ҷалб шудаанд. Дастовардҳои варзишгарон низ ба маротиб зиёд шуда, шумораи умумии медалҳои ба дастовардаи варзишгарони мо аз мусобиқаҳои сатҳи байналмилалӣ дар соли сипаришуда ба 994 адад мерасад. Аз ин шумора 355 медали тилло, 250 медали нуқра ва 389 медали биринҷӣ ба хазинаи варзишии кишвар ворид гардидааст, ки нисбат ба ҳамин давраи соли гузашта 461 медал бештар аст - зикр кард А. Раҳмонзода.

Лозим ба ёдоварист, ки дар соли 2019, 140 бонуварзишгарони мо дар 50 мусобиқаҳои сатҳи байналмилалӣ иштирок намуда, 172 медал ба даст овардаанд, ки аз он 67 тилло, 40 нуқра ва 65 биринҷӣ мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 1

Феврал 2020 c.