Бо мақсади дар сатҳи баланд таҷлил намудани Рӯзи Президент ва “Соли ҷавонон” Бахши кор бо ҷавонон ва варзиши ноҳияи Дарвоз байни макотиби таҳсилоти ҳамагонии ноҳия мусобиқаи волейбол баргузор намуд.

Ба иттилои Расулҷон Шокиров, мудири Бахш, мусобиқа миёни ҷавонони муассисаҳои таълимии №1, 4, 5, 6, 9 ва 40 доир гардида, баҳри ба даст овардани ҷойҳои намоён дар он ҳамаи бозингарон талош карданд.

Аз рӯи натиҷаҳои даври ниҳоӣ дастаи “МТМУ № 6”–и мавзеи Ёгед ҷои аввал ва тими “МТМУ № 8”–и деҳаи Рӯзвай зинаи дуюмро ишғол намуданд.

Ғолибон аз тарафи Бахш бо медалу ифтихорномаҳо қадрдонӣ шуданд.