Мусобиқаи футбол, ки чанде пеш дар варзишгоҳи “Авесто – Карена” – и ноҳияи Дарвоз оғоз ёфт, ҷамъбаст гардид.

Аз миёни 10 дастаи ноҳиявӣ дастаҳои “Мармар” ва “Умарак” ба даври ниҳоӣ роҳ ёфтанд. Мувофиқи натиҷаҳои ин давр дастаи “Мармар” тими “Умарак” –ро бо ҳисоби 5 : 1 шикаст дода, ҷойи аввалро ишғол намуд ва соҳиби Ҷоми “Соли ҷавонон” шуд.

Ғолибонро Расулҷон Шокиров, мудири Бахши кор бо ҷавонон ва варзиши ноҳияи Дарвоз бо ифтихоронома, мукофоти пулӣ, лавозимоти варзишӣ ва дигар тӯҳфаҳои хотиравӣ қадрдонӣ намуд.

Машҳур ИМОМНАЗАРОВ, “ҶТ”